Еўрапейская камісія абвяргае абвінавачванні супраць Польшчы ў справе няправільнага абыходжання з мігрантамі. Адказнасць за сітуацыю нясе Аляксандр Лукашэнка, заявіў прэс-сакратар Камісіі Петэр Стано, які адказаў на пытанні журналістаў аб жорсткім абыходжанні з бежанцамі з боку памежных службаў Польшчы.
Прэс-сакратар Камісіі падкрэсліў, што для мінскага рэжыму недапушчальна выкарыстоўваць людзей для палітычнага ціску на Еўрапейскі Саюз. «Нягледзячы на тое, што становішча бедных людзей, якія затрымаліся паміж беларускай і еўрапейскай мяжой, складанае, гэта вынік дзеянняў Лукашэнкі, які падманвае баязліва і бесчалавечна і пераконвае гэтых людзей прыехаць у Беларусь і паспрабаваць уехаць у Еўрасаюз», – дадаў прадстаўнік камісіі.
Учора выкарыстанне мігрантаў рэжымам у Мінску асудзіла старшыня Камісіі Урсула фон дэр Ляен. Яна назвала гэтыя дзеянні гібрыднай атакай і запэўніла ў падтрымцы Польшчы, Літвы і Латвіі, якія змагаюцца з міграцыйным ціскам з боку беларускіх уладаў.
ав