Урад рэкамендуе медыцынскім работнікам і людзям, якім больш за 50 гадоў прывіцца трэцяй дозай вакцыны супраць COVID-19. Прэм'ер Матэвуш Маравецкі сказаў, што гэта будзе «напамінальная» доза, якой можна будзе прывіцца, як мінімум шэсць месяцаў пасля першай дозы:
- Мы павінны ахоўваць як мага найбольш эфектыўна людзей, якім каранавірус пагражае ў найбольшай ступені.
Намеснік міністра аховы здароўя Вальдэмар Краска (Waldemar Kraska) нагадаў, што зараз у Польшчы разгортваецца чацвёртая хваля каранавіруса. Паводле яго, прывіваць грамадзян трэцяй дозай вакцыны супраць каранавіруса, вырашылі многія краіны:
-Трэцюю дозу атрымаюць асобы, якія хварэюць ракам, праходзяць дыяліз, ВІЧ-інфекаваныя… То бок асобы, у якіх імунітэт рашуча паніжаны. Трэцюю дозу мы рэкамендуем таксама супрацоўнікам службы аховы здароўя, а таксама асобам, якім больш за 50 гадоў.
За мінулыя суткі былі выяўленыя 974 новыя выпадкі каранавіруснай інфекцыі. Памерлі 14 пацыентаў, хворых COVID-19.
IAR/аз