У аўторак раніцай у Еўрапейскім парламенце ў Страсбургу пройдуць дэбаты аб Польшчы з удзелам прэмʼер-міністра Матэвуша Маравецкага. Паводле карэспандэнткі Польскага радыё ў Бруселі, такое рашэнне прынялі старшыні палітычных фракцый у Еўрапарламенце. У дэбатах таксама возьме ўдзел старшыня Еўракамісіі Урсула фон дэр Ляен.
Пасля нядаўняй пастановы польскага Канстытуцыйнага суда, які палічыў нязгоднымі з польскай Канстытуцыяй некаторыя палажэнні дамовы аб ЕС, у Еўрапарламенце зʼявіліся заклікі арганізаваць дэбаты на гэтую тэму і на тэму сітуацыі ў Польшчы.
Учора прадстаўнік польскага ўрада паведаміў, што прэмʼер Матэвуш Маравецкі звярнуўся з просьбай да старшыні Еўрапарламента ўдзельнічаць у такіх дэбатах. Гаворка ідзе пра магчымасць прадставіць пазіцыю Польшчы.
IAR/аз