У панядзелак пасол Польшчы пры Арганізацыі Аб'яднаных Нацый Кшыштаф Шчэрскі возьме ўдзел у дэбатах Камітэта Генеральнай Асамблеі ААН па сацыяльных, гуманітарных пытаннях і правах чалавека. Дэбаты будуць датычыць сітуацыі на мяжы паміж Беларуссю і ЕС.
Падчас дэбатаў у Нью-Ёрку выступіць спецыяльны дакладчык ААН па сітуацыі з правамі чалавека ў Беларусі Анаіс Марын.
Падчас сустрэчы будзе прынятая сумесная заява групы дзяржаў-членаў ААН аб эскалацыі парушэнняў правоў чалавека ў Беларусі, гібрыднай дзейнасці на мяжы з Еўрапейскім Саюзам, звязанай з арганізаванай кантрабандай людзей і блакаваннем гуманітарнай дапамогі для мігрантаў, якія знаходзяцца ў памежнай зоне на тэрыторыі Беларусі.
Падпісанты заявы таксама заклікаюць беларускія ўлады да вызвалення палітвязняў і спынення выкарыстоўвання мігрантаў у палітычных мэтах.
PAP/аз