На чыгуначным вакзале ў Вільні літоўскія службы затрымалі групу нелегальных мігрантаў. Яны ехалі цягніком, які ішоў з мястэчка Варэна каля літоўска-беларускай мяжы. Пасля затрымання паліцыянты перадалі замежнікаў памежнікам.
За апошнія суткі літоўскія памежнікі не прапусцілі 67 чалавек, якія спрабавалі нелегальна перасячы мяжу з Беларусі. У суботу памежнікі развярнулі 183 мігрантаў. Паводле літоўскіх службаў, гэта была самая вялікая колькасць мігрантаў з пачатку жніўня.
З пачатку года літоўска-беларускую мяжу нелегальна прайшлі каля 4 200 мігрантаў.
IAR/аз