Стабілізацыйныя сілы АДКБ, ядро якіх складаюць расейскія войскі, пачалі падрыхтоўку да выхаду з Казахстана. Постсавецкая Арганізацыя дагавора аб калектыўнай бяспецы накіравала ў Казахстан каля 2 тысяч жаўнераў, якія цягам тыдня ахоўвалі дзяржаўныя аб'екты і некаторыя дыпламатычныя прадстаўніцтвы.
Дапамогі ў саюзнікаў папрасіў прэзідэнт Казахстана Касым-Жамарт Такаеў ў сувязі з беспарадкамі, якія ўспыхнулі ў краіне пасля рэзкага павышэння цаны на паліва.
Сёння з Казахстана павінны выйсці першыя падраздзяленні так званай стабілізацыйнай місіі. Раней прэзідэнт заявіў, што працэс павінен быць завершаны на працягу 10 дзён.
У рамках АДКБ у Казахстан былі накіраваныя жаўнеры з Расіі, Арменіі, Беларусі, Кыргызстана і Таджыкістана.
У выніку беспарадкаў загінулі больш за 160 чалавек, у тым ліку 16 супрацоўнікаў сілавых структур. Усяго паліцыя затрымала некалькі тысяч чалавек, а пракуратура распачала некалькі сотняў крымінальных спраў.
IAR /аз