У Вільні польская дэлегацыя сімвалічна адкрыла Год Юзэфа Мацкевіча – аднаго з найважнейшых празаікаў мінулага стагоддзя. Нагадваем, Сейм Польшчы абвясціў 2022 год – Годам Юзэфа Мацкевіча.
Перад Першай сусветнай вайной сям'я Мацкевічаў пераехала ў Вільню. Менавіта ў гэтым горадзе з 1923 па 1939 гады Юзэф Мацкевіч працаваў у штодзёнцы «Слова».
Польская дэлегацыя з удзелам віцэ-спікера Сейма Малгажаты Гасеўскай і кіраўніка Канцылярыі прэм’ера Міхала Дворчыка наведала дом у Чарным Боры пад Вільняй, дзе да Другой сусветнай вайны жыў Юзэф Мацкевіч і ўсклала кветкі да валуна памяці пісьменніка.
Учора ўвечары ў Доме польскай культуры адбылася дыскусія гісторыкаў, прысвечаная асобе Мацкевіча.
У сваю чаргу сёння польская дэлегацыя ўсклала кветкі да памятнай дошкі на будынку, дзе жылі браты Мацкевічы, і на могілках Росы, дзе пахаваныя іх бацькі.
IAR/аз