Расія спадзяецца на наступным тыдні атрымаць пісьмовы адказ ад ЗША на свае патрабаванні гарантый бяспекі, заявіў кіраўнік расейскай дыпламатыі на прэсавай канферэнцыі. Сяргей Лаўроў размаўляў у Жэневе з дзяржсакратаром Энтані Блінкенам.
У снежні Масква запатрабавала ад НАТА адмовіцца ад прыёму ў альянс Грузіі і Украіны і вывесці свае войскі з краін, якія далучыліся да Пакта пасля 1997 года. Вашынгтон і Брусель лічаць, што Расія не мае права выстаўляць такія патрабаванні.
Пасля сустрэчы ў Жэневе Сяргей Лаўроў абвясціў, што амерыканскі бок абавязаўся падаць пісьмовую заяву аб гарантыях бяспекі на наступным тыдні. Размову з Энтані Блінкенам кіраўнік расійскай дыпламатыі назваў «шчырай» і «патрэбнай».
Падобнае меркаванне на гэты конт выказаў і дзяржсакратар ЗША.
Расійскі міністр запэўніў таксама, што яго краіна не мае намеру ні на каго нападаць.
У сваю чаргу Энтані Блінкен адзначыў, што ЗША і НАТА паважаюць суверэнныя рашэнні незалежных дзяржаў адносна заключэння саюзаў. Ён таксама заклікаў Маскву вывесці войскі з памежных з Украінай рэгіёнаў і папярэдзіў, што напад на Украіну не застанецца без адэкватнай рэакцыі Вашынгтона.
Наступныя сустрэчы, хутчэй за ўсё, адбудуцца ў лютым.
IAR/аз