Міністр культуры Польшчы Пётр Гліньскі прымае ўдзел ва ўрачыстасці адкрыцця Культурнай сталіцы Еўропы, якой сёлета стала літоўскае Коўна.
Пётр Глінскі адзначыў, што званне Культурнай сталіцы Еўропы – гэта магчымасць інвеставаць у культуру, і адначасова прыцягнуць турыстаў, запрасіць шмат людзей, якія не мелі магчымасці пабачыць Коўна. Напэўна, большасць палякаў не ведае, наколькі прыгожы горад Коўна – сказаў віцэ-прэм'ер.
Афіцыйная інаўгурацыя Коўна як культурнай сталіцы Еўропы адбудзецца ўвечары. Дэвіз мерапрыемстваў Культурнай сталіцы Еўропы ў Коўне гучыць так: «Міф гораду – ад часовасці да сённяшняга дня». Аўтары гэтай ідэі спасылаюцца на трансфармацыю, якую перажывае горад і яго жыхары.
Сёлета ў Коўне запланавана каля 40 фестываляў, больш за 60 выстаў і больш за 250 іншых падзей. Падчас культурных імпрэзаў выступяць амаль 4 тысячы выканаўцаў.
IAR PR/нг