«Украінская чыгунка» вінаваціць польскі бок у прыпыненні грузавых перавозак з Украіны ў Польшчу. Украіна блакуе транзіт грузаў у Польшчу, а ў якасці прычыны называе, між іншым, адсутнасць неабходнай інфраструктуры на польскім баку мяжы.
У прэс-рэлізе «Украінскай чыгункі» чытаем, што Польшча ўхіляецца ад сістэмнага вырашэння праблемы, што прычыняецца да доўгіх прыпынкаў вагонаў на мяжы і выніку пробкаў і ўскладнення руху па ўкраінскім баку. Акрамя таго, украінцы патрабуюць павышэння стаўкі за выкарыстанне сваіх вагонаў.
Тым часам паводле часткі экспертаў, блакаванне чыгуначнага транспарту ў Польшчу можа быць спробай прымусіць Польшчу да выдачы дазволаў на транзіт для ўкраінскіх фураў.
Нагадваем, у канцы лістапада «Украінская чыгунка» ўвяла бестэрміновую забарону на прыём для транспарціроўкі ў Польшчу ўсіх адпраўленняў.
Польская дзяржаўная чыгунка заявіла, што спыненне транзіту з'яўляецца беспрэцэдэнтным рашэннем, якое супярэчыць міжнародным канвенцыям.
IAR/аз