Некаторыя супрацоўнікі пасольства Вялікабрытаніі ва Украіне пакідаюць Кіеў з-за растучай пагрозы з боку Расіі, паведаміла ў панядзелак знешнепалітычнае ведамства Аб'яднанага Каралеўства. У заяве пры гэтым падкрэсліваецца, што брытанскае пасольства застаецца адкрытым і працягне выконваць свае задачы.
Адначасова МЗС Вялікабрытаніі не рэкамендуе жыхарам краіны здзяйсняць паездкі ва Украіну, за выключэннем выпадкаў крайняй неабходнасці.
Раней па той жа прычыне Дзяржаўны дэпартамент ЗША загадаў семʼям супрацоўнікаў пасольства ў Кіеве пакінуць Украіну, а таксама дазволіў зрабіць гэта добраахвотна некаторым супрацоўнікам дыпламатычнай місіі.
У апошні час у краінах Захаду, а таксама ва Украіне гучаць заявы аб магчымым уварванні Расіі на ўкраінскую тэрыторыю. Гэтыя паведамленні катэгарычна абвяргае Масква. Так, прэс-сакратар прэзідэнта Расіі Дзмітрый Пяскоў назваў такую інфармацыю пустым і беспадстаўным нагнятаннем напружанасці.
вс