Антоніу Гутэрыш прыбыў ва ўкраінскую сталіцу ўчора. Сёння ён наведаў Бучу, дзе расіяне здзяйснялі злачынствы супраць мірнага насельніцтва, а таксама Барадзянку, разбамбаваную расіянамі. Ён таксама сустрэнецца з прэзідэнтам Зяленскім і кіраўніком украінскай дыпламатыі.
Пасля візіту ў Бучу, дзе ў брацкіх магілах былі пахаваныя ахвяры расійскіх злачынстваў, Антоніу Гутэрыш зрабіў кароткую заяву для СМІ.
-Пасля наведвання гэтага страшнага месца хачу адзначыць вялікую важнасць і неабходнасць глыбокага расследавання і ўказання вінаватых. У той жа час я заклікаю Расію супрацоўнічаць з міжнародным крымінальным трыбуналам у гэтай справе.
У Бучы пад Кіевам расіяне забілі больш за 400 мірных жыхароў. Там былі расстрэлы, катаванні і згвалтаванні. Маштабы злачынства дагэтуль да канца не ацэненыя, бо пасля адыходу расіян целы загінулых па-ранейшаму знаходзяць у ваколіцах Кіева.
Раней, пасля візіту ў разбамбаваную расіянамі Бучу, генеральны сакратар ААН заявіў, што ў гэтым стагоддзі ні ў якім разе нельга пагадзіцца з вайной. Ён таксама выказаў спачуванні семʼям загінулых.
ав