Парыж рашуча асуджае высылку з Расіі 34 французскіх дыпламатаў, паведаміла МЗС Францыі. Паводле французскага боку, высылка дыпламатаў не мела законных падставаў, бо праца іх поўнасцю адпавядае Венскай канвенцыі аб дыпламатычных і консульскіх адносінах.
Французы павінны пакінуць тэрыторыю Расіі цягам двух тыдняў. Гэта адказ Масквы на высылку ў красавіку 41 супрацоўніка расійскіх дыппрадстаўніцтваў па падазрэнні ў шпіянажы.
З пачатку ўварвання ва Украіну расійскіх дыпламатаў высылалі некалькі дзясяткаў заходніх краін, у тым ліку Польшча.
IAR/аз