Расійскае войска працягвае штурм украінскіх пазіцый на Данбасе. Інтэнсіўныя баі працягваюцца ў раёне Севераданецка. Вораг таксама наступае на паўднёвым участку фронту. Вайна ва Украіне працягваецца ўжо 92 дні.
Паводле справаздачы Генштаба Узброеных сіл Украіны, на Данбасе расіяне штурмавалі пазіцыі ўкраінскай арміі, у тум ліку, у напрамку гарадкоў: Бахмут, Аўдзііўка, Краснагораўка і Піскі, а таксама Лыман і Камышуваха. Паводле генштаба, большасць нападаў былі адбітыя. Штурму пяхоты папярэднічаюць масіраваныя ўдары расійскай артылерыі і авіяцыі.
Складаная сітуацыя таксама ў ваколіцах Севераданецка і ва ўсёй Луганскай вобласці, дзе вораг заняў каля 95% тэрыторыі вобласці.
«Мы абараняліся 3 месяцы. Мы чакаем, пакуль наша армія перагрупуецца і пераўзброіцца, каб спыніць атакі і пачаць контратаку». – падкрэслівае кіраўнік Луганскай вайскова-цывільнай адміністрацыі Сяргей Гайдай.
У Луганскай вобласці таксама вядуцца баі за стратэгічна важную трасу «Лісічанск – Бахмут». Акупанты займаюць участкі дарогі, потым украінская армія іх адбівае. Больш за тое, як сцвярджаюць у генштабе – расіяне, якія да гэтага часу ў асноўным абстрэльвалі пазіцыі ўкраінскай арміі, цяпер пачалі лакальныя штурмавыя аперацыі. У асноўным гаворка ідзе пра тэрыторыі ўздоўж межаў акупаванай Херсонскай вобласці. Апошнія суткі вораг, беспаспяхова атакаваў у раёнах вёсак Таўрыйскае, Мікалаеўка.
IAR/аз