Украіна будзе супрацьдзейнічаць расійскаму ціску на жыхароў акупаваных Расіяй тэрыторыяў, дзе будуць арганізаваныя так званыя рэферэндумы аб далучэнні да РФ. Для гэтага Кіеў выпрацаваў механізмы супрацьстаяння расійскаму ціску на ўкраінскае насельніцтва.
Жыхары Херсонскай вобласці ведаюць, як не стаць ахвярай маніпуляцый з боку акупантаў падчас «рэферэндуму» – заявіла спікер аператыўнага камандавання «Поўдзень» Наталля Гумянюк:
- Такія механізмы ёсць, з імі азнаёмілі грамадскасць. «Рэферэндумы» пераносяцца з красавіка і павінны быць арганізаваныя ў бліжэйшыя дні. З расійскага боку вядзецца падрыхтоўка да іх усталявання, прапорцыі галасоў будуць вызначацца раней, расіянамі і гэтыя так званыя рэферэндумы будуць сфальсіфікаваныя.
Херсонскі абласны савет заклікае жыхароў акупаваных тэрыторый праігнараваць расійскія псеўдарэферэндумы.
IAR /аз