Казахстан не прызнае "рэферэндумаў" аб далучэнні акупаваных тэрыторый Украіны да Расіі. Аб гэтым паведаміла прэс-служба міністэрства замежных спраў краіны.
"Што тычыцца правядзення самаабвешчанымі дзяржавамі ЛНР і ДНР, і ваеннымі адміністрацыямі Запарожскай і Херсонскай абласцей рэферэндумаў аб далучэнні да Расіі, то Казахстан зыходзіць з прынцыпаў тэрытарыяльнай цэласнасці дзяржаў, іх суверэннай роўнасці і мірнага суіснавання", - пракаментаваў афіцыйны прадстаўнік МЗС Рэспублікі Казахстан Айбек Смадыяраў.
нг