На інсталяцыі прэзідэнт Расіі прадстаўлены ў выглядзе гобліна. Скульптура Душана Досталя будзе экспанавацца толькі месяц. Затым яе плануюць прадаць на аўкцыёне, а атрыманыя сродкі пойдуць на закупку ўзбраення для ўкраінскай арміі.
На помніку Уладзімір Пуцін намаляваны з правай рукой, выцягнутай у нацысцкім вітанні, а левай рукой ён закручвае газавы кран. Пад ім намаляваны контур Еўропы.
«Мы ўсе супраць яго і кожны дэманструе гэта па-свойму», – распавялі карэспандэнту Польскага радыё мясцовыя жыхары, якія прыйшлі сфатаграфаваць помнік.
Месца размяшчэння скульптуры – плошча Інтэрнацыянальных брыгад у мікрараёне Бубэнэч – невыпадковае. Раней стаяў тут помнік Івану Коневу. Войскі пад яго камандаваннем вызвалялі Прагу ад нямецкай акупацыі. Помнік савецкаму маршалу мясцовыя ўлады прыбралі вясной 2020 года.