Справаздача распавядае пра злачынствы расійскай арміі на поўначы Украіны з лютага па красавік 2022 года, паведамляе афіцыйны сайт ААН.
Усяго за першыя тры месяцы поўнамаштабнай вайны місія ААН задакументавала гвалтоўную гібель 441 мірнага жыхара ў гарадах і вёсках Кіеўскай, Чарнігаўскай і Сумскай абласцей.
У дакуменце гаворыцца, што фактычныя лічбы будуць значна большымі, паколькі працягваецца праца па пацверджанні яшчэ 198 забойстваў.
У большасці выпадкаў рукі ахвяр забойстваў у месцах зняволення былі скаваныя кайданкамі або звязаныя скотчам, а на іх целе былі пашкоджанні, якія сведчаць аб катаваннях ці іншым жорсткім абыходжанні перад забойствам. Як мінімум у адным выпадку на целе ахвяры былі прыкметы сексуальнага гвалту, гаворыцца ў паведамленні.
юл