Былы прэзідэнт Украіны Віктар Юшчанка ў інтэрв'ю gordonua.com заявіў, што, паводле яго пераканання, Леха Качыньскага забілі расіяне. «Я думаю, што палякі яго недаацанілі. Ён быў светлым прэзідэнтам, які заўсёды глядзеў наперад», – сказаў ён у інтэрв’ю парталу «Гордан». Віктар Юшчанка нагадаў пра візіт прэзідэнтаў у Грузію ў 2008 годзе, куды яны адправіліся, каб супрацьстаяць расійскай агрэсіі супраць гэтай краіны.
– Чатыры прэзідэнты будуць стаяць перад парламентам, едзе расійская тэхніка, што яны з намі зробяць?, – успамінае Юшчанка. Ён адзначыў, што грузіны ў Тбілісі «не чакалі слоў». – Яны чакалі, пакуль мы ўстанем на трыбуну, абнімем Саакашвілі, арганізатараў, і скажам, што мы разам, – сказаў былы прэзідэнт Украіны.
На прамое пытанне, ці, на яго думку, расіяне забілі Леха Качыньскага, Юшчанка адказаў, што ён «перакананы».
– Думаю, што палякі яго недаацанілі. Ён быў светлым прэзідэнтам, які заўсёды глядзеў за гарызонт. Не памятаю, колькі разоў мы з ім сустракаліся. Безумоўна, больш за 30, – сказаў экс-прэзідэнт Украіны. Ён адзначыў, што Лех Качыньскі пачаў свае размовы аб геастратэгіі з «арыфметыкі», падлічыўшы жыхароў народаў Цэнтральнай і Усходняй Еўропы.
«80-90 мільёнаў чалавек – гэта голас у Еўропе, які можа прынесці сучасную, дэмакратычную палітыку. Мы павінны быць у Еўропе», – працытаваў ён Леха Качыньскага.
Лех Качыньскі разам з жонкай Марыяй і іншымі 94 людзьмі загінуў 10 красавіка 2010 года ў авіякатастрофе пад Смаленскам у Расіі. Паводле следчай камісіі Антоні Мацярэвіча, прычынай здарэння сталі «два выбухі на заключным этапе палёту» самалёта Ту-154М.
Niezalezna.pl/нг