Генеральны сакратар NATO Енс Столтэнберг заявіў у аўторак падчас візіту ў Японію, што Альянс працягне ўмацоўваць партнёрства з Японіяй ва ўмовах працяглай вайны ва Украіне.
«Вайна ва Украіне мае значэнне для ўсіх нас, таму мы таксама вельмі ўдзячныя за падтрымку, якую Японія аказвае сваёй авіяцыяй і транспартнымі магчымасцямі», — сказаў Столтэнберг, якога цытуе Reuters.
Паездка кіраўніка NATA, таксама ўключала візіт у Паўднёвую Карэю, і накіравана на ўмацаванне сувязяў з саюзнікамі ў Азіі на фоне вайны ва Украіне і росту канкурэнцыі з боку Кітая.
Выступаючы ў Сеуле ў панядзелак, Столтэнберг заклікаў Паўднёвую Карэю павялічыць ваенную падтрымку Украіне, спасылаючыся на іншыя краіны, якія змянілі сваю палітыку адмовы ад паставак зброі ваюючым краінам пасля ўварвання Расіі.
PAP/юл