«Мы можам чакаць, што колькасць загінулых у выніку землятрусу значна павялічыцца», – сказаў Reuters Рык Брэнан (Rick Brennan), рэгіянальны дырэктар па надзвычайных сітуацыях. «Многія будынкі вакол эпіцэнтру абрынуліся», – дадаў ён.
Юнус Сезер, дырэктар агенцтва па барацьбе са стыхійнымі бедствамі AFAD, заявіў у панядзелак, што ў Турцыі разбураны 2824 дамы. Але не толькі жылыя будынкі падвяргаюцца рызыцы. Начы Горур (Naci Gorur), эксперт па землятрусах з Турэцкай акадэміі навук, заклікаў мясцовыя ўлады неадкладна праверыць водныя плаціны ў рэгіёне на наяўнасць расколін, якія могуць пагражаць катастрафічнымі паводкамі.
Дырэктар СААЗ Брэнан адзначыў, што ратавальнікам цяжка дабрацца да месца, і будынкі, якія ўсё яшчэ стаяць, нягледзячы на пашкоджанні, могуць абрынуцца ў выніку наступнага штуршка.
Прафесар геафізікі з Універсітэта караля Абдулы ў Саудаўскай Аравіі таксама занепакоены ростам колькасці ахвяр, паведамляе катарская тэлестанцыя Al-Jazeera. «Варта чакаць сур'ёзных пашкоджанняў, – сказаў прафесар Марцін Маі Аль-Джазіры. – У мінулым землятрусы ў Турцыі прыводзілі да гібелі каля 10 000-17 000 чалавек з-за будаўнічых тэхналогій», – адзначыў ён.
Песімістычныя чаканні падзяляе і Геалагічная служба ЗША, якая адзначае, што будынкі ў рэгіёне часта зроблены з крохкага бетону, што робіць іх «надзвычай уразлівымі да штуршкоў».
У рэгіёне толькі некаторыя будынкі маюць гнуткую структуру, якая павышае іх устойлівасць. Рашэнні для супрацьударных будынкаў значна павялічваюць выдаткі, піша партал Planradar.
У 2000 годзе домаўладальнікаў у Турцыі абавязалі застрахаваць сваю маёмасць ад наступстваў землятрусу, але, нягледзячы на інфармацыйныя кампаніі, гэта не было выканана ў поўнай меры.
PAP / вх