Паслы краін Еўрапейскага саюза дамовіліся пра ўвядзенне 18-га пакета санкцый супраць Расіі. Пра гэта паведаміў Рыкард Ёзвяк, рэдактар Радыё Свабода па еўрапейскіх пытаннях.
У новым пакеце прадугледжана зніжэнне цэнавога ліміту на расійскую нафту — з 60 да 47,6 долара за барэль, а таксама адключэнне ад сістэмы SWIFT яшчэ 22 расійскіх банкаў. 18 пакет санкцый прадугледвае таксама санкцыі супраць беларускіх банкаў і прадрыемстваў ВПК.
Сярод іх — былы Цінькоў-Банк («Т-Банк»), банк «Санкт-Пецярбург», «Зеніт» (звязаны з «Татнафт»), дзяржаўны банк «ДОМ.РФ», «Ozon Банк», «Яндекс Банк», Фінтэх-банк 131, «Сургутнефтегазбанк», «Меткомбанк», «Севергазбанк», «Энергатрансбанк», «Трансстройбанк», банк падтрымкі МСП, банк «ФІНАМ», «Экспабанк» і «РостФінанс».
У санкцыйны спіс уключаць яшчэ 77 суднаў «ценявога флоту» Расіі і кампаніі з трэціх краін, якія ёй дапамагаюць. Таксама забароняць працу «Паўночных патокаў» і экспарт нафтапрадуктаў з расійскай сыравіны.
Папярэдне пакет быў заблакаваны Славаччынай і Мальтай, але дамоўленасць урэшце была дасягнута.
IAR/PAP/эж