Палякі ўцякаюць з Балтыйскага мора, паведамляе газета Rzeczpospolita. У апошнія тыдні павялічылася колькасць турыстаў, якія адклікалі браніраванне нумароў у гасцініцах, неафіцыйна заяўляюць уладальнікі гатэляў на польскай Балтыцы. Польскі гатэльны бізнес незадаволены, а вось турыстычныя кампаніі – так, таму што жыхары Польшчы адклікаюць браніраванне месцаў на сваім моры і купляюць туры ў цёплыя краіны. У апошнія тыдні рэзка павялічыўся попыт на туры ў Турцыю, Туніс і Егіпет, прычым туркампаніі, заўважыўшы тэндэнцыю, паднялі цэны, у сярэдні на 500 злотых (каля 120 еўра) за тур. Цяпер двухтыднёвы тур паводле прынцыпу «ўсё ўключана» каштуе ў Турцыю, Туніс альбо Егіпет больш за 3 тыс. злотых (700 еўра).
Чаму ж палякі адмаўляюцца ад адпачынку на Балтыцы? Таму што пасля працяглай спякоты прыйшло рэзкае пахаладанне, якое адпужала турыстаў, што ўжо паспелі прызвычаіцца да трапічнага надвор’я. Па-другое, на некаторых участках узбярэжжа з’явіліся сіне-зялёныя водарасці, якія маюць таксічны ўплыў на арганізм чалавека, у сувязі з чым санстанцыя закрыла пляжы. Ну і па-трэцяе, адпачынак на Балтыйскім моры не з’яўляецца танным спосабам на правядзенне водпуску. У некаторых гасцініцах лік адкліканай брані складае каля 30%.
Кепскае надвор’е «выгнала» турыстаў не толькі з Балтыкі: у Закапанэ ў Татрах у некаторых гатэлях пастаяльцы адклікалі 33% брані, паведамляе газета Rzeczpospolita.
вс