X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Кухня: сёння мы прапануе спекчы пірог са слівамі

10.09.2019 17:44
Пірог атрымліваецца смачны, сакавіты, ён апетытна выглядае, прыемна пахне і напэўна спадабаецца хатнім і гасцям. 
Аўдыё
  • Сёння мы прапануе спекчы пірог са слівамі
Пірог са слівамі pixabay.com/webandi/free for commercial use

Сезон збору ўраджаю ў самым разгары: на агародзе красуюцца сонечныя гарбузы, у садах пад цяжарам пладоў гнуцца галіны яблынь, груш ды сліваў. І таму было б грахом, каб цяпер не рыхтаваць сезонныя стравы. Сёння мы прапануе спекчы пірог са слівамі. 

Для таго, каб спекчы смачны і сакавіты пірог са слівамі, нам трэба падрыхтаваць наступныя інгрыдыенты. 

1,5 шклянкі мукі 

1 лыжка крухмалу 

¾ шклянкі цукару 

0,5 пачка масла 

200 мл малака 

2 яйкі 

1,5 лыжачкі разрыхляльніка 

3 лыжкі манных крупаў 

1 лыжка воцату 

прыкладна 12 сліваў, парэзаных на чвэрці 

0,5 шклянкі цукровай пудры і крышку малака на глазуру

 

І так, масла, вынятае раней з халадзільніка, вымешваем з цукрам, дадаем яйкі і добра ўзбіваем пры дапамозе лыжкі, венчыка альбо кухоннага робата. Пасля гэтага дадаем прасеяную праз сіта муку і разрыхляльнік, працягваем мяшаць. Наступны крок – гэта малако, а пазней манныя крупы і воцат. Цяпер перамешваем вельмі далікатна лыжкай. Калі гэта робат, дык ставім на малыя абароты. 

Атрыманую масу выліваем у форму. Пры гэтым форма можа быць альбо круглая, альбо прамавугольная – вялікай розніцы няма. Дно формы можам выкласці пергаментам. Калі нехта баіцца, што цеста прыклеіцца да формы, то можна яе бакі вышмараваць маслам і пасыпаць сухарамі.

Пасля гэтага на масу кладзем парэзаныя слівы, прычым скуркай уніз, у цеста. Пячэм наш пірог каля 40 хвілін у тэмпературы 180 градусаў. Традыцыйна, ці пірог не сыры - правяраем драўлянай палачкай, утыкаючы яе ў сярэдзіну нашага дэсерту. Калі пірог астыне, можам яго абшмараваць глазурру, якую падрыхтуем з цукровай пудры і малака. Але гэта – альтэрнатыва, таму што і без гэтага сліўкавы пірог смакуе дасканала. 

Смачна есці!    

Валеры Саўко

слухайце аўдыё