X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Даследчыкі пераконваюць, што ўсе сродкі па вытворчасці ежы бяспечныя

04.10.2019 15:47
«Праблема не ў хімічных сродках, а ў тым, як яны выкарыстоўваюцца», – кажуць спецыялісты. 
Zdjęcie ilustracyjne.
Zdjęcie ilustracyjne.pixabay

У якой ступені сучасная навука і тэхніка адаб'юцца на якасці прадуктаў харчавання і экалагічнай вытворчасці ў будучыні? Гаворка ў прыватнасці пра тое, што сучасная біятэхналогія дазваляе ствараць новыя гатункі раслін і мяса з клетак, узятых у жывой жывёлы, без забою. Гэтыя пытанні абмяркоўваюцца на IX Фестывалі змен, які ладзіць у Варшаве Цэнтр навукі Капернік.

У сельскай гаспадарцы і ў харчовай прамысловасці выкарыстоўваюцца эфектыўныя сродкі абароны раслін, інавацыйныя метады кансервацыі харчовых прадуктаў, аўтаматызацыя сельскагаспадарчых культур.

Даследчыкі імкнуцца пераканаць спажыўцоў, што ўсе сродкі і метады, што прымяняюцца падчас вытворчасці і перапрацоўкі прадуктаў харчавання, не нясуць пагрозы для людзей.

Аднак жа людзі баяцца, што сродкі абароны раслін, штучнае ўгнаенне, мадыфікацыя ДНК, вельмі шкодныя для іх здароўя.

«Праблема не ў хімічных сродках, а ў тым, як яны выкарыстоўваюцца», – кажа садоўнік, блогер, кандыдат сельскагаспадарчых навук, сябра Польскай асацыяцыі абароны раслін, доктар Яанна Галонзка.

- Нельга ставіць знак роўнасці паміж усімі хімічнымі рэчывамі. На маю думку, найбольшую пагрозу ўяўляюць не хімічныя сродкі, а чалавек, які імі карыстаецца. Гэта не праблема, што мы выкарыстоўваем хімічныя рэчывы, праблемай з’яўляецца тое, у якіх колькасцях, і што з імі робіць чалавек. Гэта асноўнае пытанне.

У сваю чаргу малекулярны біёлаг, заснавальніца і каардынатар першага польскага харчовага кааператыва, які гандлюе здаровай і бяспечнай ежай, доктар Ганна Урбаньска супакойвае боязі наконт генетычна мадыфікаванай ежы.

- Я, у прыватнасці, не бачу нічога, чаго трэба баяцца. Напрыклад, на генетычна мадыфікаваныя памідор не трэба будзе выліваць сродкі абароны раслін. Людзі баяцца, што «будуць есці ДНК». Але ж мы і так ямо ДНК. Клеткі ўсіх раслін і жывёлы змяшчаюць ДНК. І на самай справе, чалавек здаўна мадыфікуе ДНК. Сёння ніхто не схацеў бы есці кукурузу, якая была на самым пачатку, але раней мадыфікацыі не былі мэтанакіраванымі і доўжыліся працяглы час. Мадыфікацыя - гэта інструмент, як і нож, пытанне – як мы яго выкарыстаем.

Кандыдат сельскагаспадарчых навук Яанна Галонзка зазначае, што ў выпадку гэтак званай экалагічнай сельскагаспадарчай прадукцыі таксама выкарыстоўваюцца сродкі абароны раслін, таму што іх трэба абараняць ад хвароб і шкоднікаў.

- На жаль, гэтыя сродкі дэманізуюць. Людзі баяцца таго, што штучнае, выраблена ў лабараторыі. Распаўсюджана перакананне: тое, што дала прырода, для нас напэўна добрае, а тое, што створана рукой чалавека, не зусім бяспечнае. А насамрэч, тое, ці прадукт будзе шкодны, ці не, звязанае з тым, якім чынам чалавек будзе прымяняць сродкі абароны раслін. Яны не паступілі б у продаж, калі б іх дакладна не вывучылі. Хімічныя сродкі абароны раслін з’яўляюцца адным з інструментаў працы фермера, і ад таго, як ён іх выкарыстае, залежыць, ці ежа будзе бяспечнай. Я ўпэўнена, што яна бяспечная.

Спецыялісты падкрэсліваюць, што хімічныя сродкі, дапушчаныя да выкарыстання, больш дакладна вывучаны навукоўцамі чым, напрыклад, дабаўкі, якія карыстаюцца ў Польшчы вялікай папулярнасцю.

Госці Польскага радыё адзначалі таксама ролю Інтэрнэту ў распаўсюджванні рознага віду сапраўднай і несапраўднай інфармацыі.

яс/Д.Трушчак/ПР1

 

Больш на гэтую тэму: Навука і тэхніка