X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Штодзённа ў Польшчы спыняе дзейнасць адно бальнічнае аддзяленне

08.10.2019 16:00
Лекары адмаўляюцца ад стрэсу на дзяжурствах і пераходзяць працаваць тэрапеўтамі.
Ілюстрацыйны здымакShutterstock

Штодзённа ў Польшчы спыняе дзейнасць адно бальнічнае аддзяленне, – піша Rzeczpospolita. У панядзелак зноў пачне прымаць пацыентак родавае аддзяленне больніцы ў Закапанэ, адкуль звольніліся ўсе лекары. Але дзяжурствы распісаны толькі на тры суткі наперад, а супрацоўнікі мяркуюць, што аддзяленне будзе працаваць толькі да выбараў, а пазней парадзіх вышлюць у іншы горад.

Чаму ў польскіх шпіталях закрываюць аддзяленні, часцей за ўсё тэрапеўтычныя або педыятрычныя? Прычына банальная – адсутнасць дактароў і фінансавых сродкаў. Лекары адмаўляюцца ад стрэсу на дзяжурствах і пераходзяць працаваць тэрапеўтамі. Гэтая праца значна спакайнейшая, і дае нядрэнны даход. Дактары пераходзяць таксама ў іншыя больніцы, дзе ім прапануюць лепшыя ўмовы працы. І так будзе да таго часу, пакуль урад не вырашыць значна павысіць фінансаванне службы аховы здароўя, каб заробкі спецыялістаў выраслі да памеру трох, а лекара без спецыялізацыі – да двух сярэдніх заробкаў па краіне, – адзначае Кшыштаф Галабуз (Krzysztof Hałabuz) з Пагаднення лекараў-рэзідэнтаў.

Сітуацыя ў службе аховы здароўя сапраўды складаная, аб чым сведчыць тое, што прадстаўнікі чатырох самых буйных выбарчых камітэтаў у Польшчы падпісалі пагадненне аб галоўных напрамках развіцця гэтай галіны ў бліжэйшыя гады, аб чым паведамляе Dziennik Gazeta Prawna.

Прадстаўнікі партыі «Права і справядлівасць», Грамадзянскай кааліцыі, Польскай сялянскай партыі ды Саюзу левых дэмакратычных сілаў разам будуць імкнуцца да павышэння фінансавання галіны, каб дасягнуць сярэдні ўзровень па Еўропе, абяцаюць абавязковыя праграмы прафілактыкі захворванняў ды псіхіятрычную дапамогу блізка каля дому пацыента. На думку экспертаў, кансэнсус дае надзею, што ўдасца нешта зрабіць у сістэме аховы здароўя ў Польшчы.

пераклад нг