X
Dear User,
On May 25, 2018, Regulation (EU) 2016/679 of the European Parliament and of the Council of April 27, 2016 (General Data Protection Regulation) came into force. We encourage you to familiarise yourself with information about the processing of personal data on the PolskieRadio.pl website.
1.The Data Administrator is Polish Radio S.A., based at 77/85 Niepodległości Ave., 00-977, Warsaw.
2.On issues regarding your data, please contact the Data Protection Officer, e-mail: iod@polskieradio.pl, tel. 22 645 34 03.
3.Personal data may be processed for marketing purposes based on consent.
4.Personal data may be shared solely for the purpose of proper implementation of services defined in the privacy policy.
5.Personal data will not be transferred outside the European Economic Area or to an international organisation.
6.Personal data will be stored for 5 years after an account is deactivated, in accordance with the law.
7.You have the right to access your personal data, correct it, to have it moved or deleted, or to limit its processing.
8.You have the right to object to further processing, and in the case of voicing consent to the processing of personal data, you have the right to withdraw your consent. The exercise of the right to withdraw consent does not affect any processing that has already taken place.
9.You have the right to lodge a complaint with the supervisory authority.
10.Polish Radio S.A. declares that no automated decisions are made when personal data is processed, and that profiling is not used.
For more information on this subject, please read our personal data and privacy policy.
I UNDERSTAND
Беларуская Служба

Запрашаем у санктуарый Маці Божай Снежнай (ФОТА)

08.11.2019 17:15
Гара Іглічная здавён з’яўляецца важным месцам, як для паломнікаў, так і турыстаў у Польшчы.
Аўдыё
  • Гара Іглічная здавён з’яўляецца важным месцам, як для паломнікаў, так і турыстаў у Польшчы.
     .
Санктуарый Маці Божай Снежнай на Іглічнай.Photo: Anna Zadrożna/Sekcja Białoruska PRdZ


Іглічная (па-нямецку: Spitziger Berg) - гара на ўсходзе польскіх Судэтаў у масіве Снежніка (Śnieżnik). Яна знаходзіцца на тэрыторыі Снежніцкага ландшафтнага парку на паўночны захад ад вядомага курортнага гарадка Мендзыгужэ (Międzygórze).

Вышыня Іглічнай складае 845 метраў над узроўнем мора. Характэрнай рысай збудаванай з гнейсаў гары з’яўляюцца стромкія схілы і вяршыня, якую зарастаюць густыя букавыя і хвойныя лясы.


Іглічна. Photo: Anna Zadrożna/Sekcja Białoruska PRdZ Іглічная. Photo: Anna Zadrożna/Sekcja Białoruska PRdZ

Ніжэй вяршыні знаходзіцца папулярае ў Польшчы месца рэлігійнага культу - Маці Божай - Прычыны нашай радасці, інакш Маці Божай Снежнай. Барочная святыня была пабудаваная ў другой палове XVІІІ стагоддзя.

Гісторыя санктуарыя звязаная з войнамі за Сілезію паміж аўстрыйскай манархіяй Габсбургаў і прускім каралеўствам Гагенцолернаў у XVIII стагоддзі.


Іглічна. Photo: Anna Zadrożna/Sekcja Białoruska PRdZ Іглічная. Photo: Anna Zadrożna/Sekcja Białoruska PRdZ

Пасля Першай сілезскай вайны, у 1742 годзе, большая частка рэгіёну трапіла пад уладу Прусіі. Навакольнае насельніцтва, якое раней часта паломнічала ў аўстрыйскі санктуарый у Марыяцэлы (у Штырыі), да Маці Божай Славянскіх Нацый, стала сутыкацца з усё большымі цяжкасцямі пры перасячэнні мяжы паміж Аўстрыяй і Прусіяй.

Хутчэй за ўсё, гэта стала адной з асноўных прычынаў, з-за якой жыхар вёскі Вільканаў (Wilkanów) Кшыштаф Вейт, вяртаючыся з Марыяцэлы, прывёз з сабой копію фігуры Маці Божай. Згаданая скульптура была змешчаная на старым буку на схіле Іглічнай гары.


Іглічна. Photo: Anna Zadrożna/Sekcja Białoruska PRdZ Іглічная. Photo: Anna Zadrożna/Sekcja Białoruska PRdZ

У 1765 годзе, падчас вялікай буры, бук упаў, але постаць Маці Божай не была пашкоджаная. Мясцовыя жыхары палічылі гэта цудоўнай падзеяй, а скульптуру перанеслі ў новую капліцу. Менавіта там, паводле летапісаў, у 1777 годзе адбылося першае, афіцыйна пацверджанае, цудатворнае вылечванне.

Сын гаспадара з недалёкай вёскі Сіенна (Sienna) упаў у яму з вапнай. Пасля трохдзённай малітвы ў капліцы на Іглічнай хлопчык, якому вапна пашкодзіла вочы, зноў пачаў бачыць. Неўзабаве было пацверджана яшчэ 12 іншых цудоўных вылечванняў. Гэта прычынілася да хуткага росквіту культу Маці Божай Снежнай і развіцця паломніцтва.


Санктуарый Маці Божай Снежнай на Іглічнай. Photo: Anna Zadrożna/Sekcja Białoruska PRdZ Санктуарый Маці Божай Снежнай на Іглічнай. Photo: Anna Zadrożna/Sekcja Białoruska PRdZ

Хутка невялікая драўляная капліца перастала змяшчаць усіх паломнікаў, якія прыбывалі на гару. У 1781 годзе пачалося будаўніцтва новага касцёла, які стаіць па сённяшні дзень. Тры гады пазней побач з касцёлам была прыбудаваная вежа, а пазней таксама нізкія аркады, якія акружалі святыню звонку.

Неабарочны алтар быў створаны ў апошнія гады ХІХ стагоддзя. У яго цэнтры знаходзяцца два анёлы, якія трымаюць вітрыну з фігурай Марыі з Дзіцяткам на правай руцэ. Святая фігура Маці Божай зробленая невядомым мастаком з ліпавага дрэва, яна мае вышыню 39 сентыметраў.

У 1983 годзе, падчас сваёй другой пілігрымкі ў Польшчу, святы Папа рымскі Ян Павел ІІ на ўрачыстасці ў Вроцлаве, каранаваў фігуру Маці Божай з Іглічнай, надаючы ёй тытул „Прычына нашай радасці”.


Санктуарый Маці Божай Снежнай на Іглічнай. Photo: Anna Zadrożna/Sekcja Białoruska PRdZ Санктуарый Маці Божай Снежнай на Іглічнай. Photo: Anna Zadrożna/Sekcja Białoruska PRdZ

Дарэчы, святы Папа рымскі Ян Павел ІІ тройчы паломнічаў у санктуарый Марыі Божай Снежнай на Іглічнай. Упершыню яшчэ як святар, у 1955 годзе. Пазней ужо ў якасці біскупа ў 1961 годзе і кардынала - у 1968 годзе. Шматлікія візіты будучага Папы рымскага прывялі да стварэння на гары Папскага маршруту.


Іглічна. Photo: Anna Zadrożna/Sekcja Białoruska PRdZ Іглічная. Photo: Anna Zadrożna/Sekcja Białoruska PRdZ

Інтэр'ер касцёла ўпрыгожваюць шматлікія карціны і рухомая батлейка, якую браты рэдэмптысты запушчаюць за невялікую плату. Знешнія лаўкі і магчымасць удзелу ў палявой імшы – гэта, безумоўна, незабыўнае ўражанне.


Санктуарый Маці Божай Снежнай на Іглічнай. Photo: Anna Zadrożna/Sekcja Białoruska PRdZ Санктуарый Маці Божай Снежнай на Іглічнай. Photo: Anna Zadrożna/Sekcja Białoruska PRdZ

Па сённяшні дзень Санктуарый Маці Божай Снежнай на Іглічнай прыцягвае паломнікаў і турыстаў не толькі з Польшчы, але і з бліжэйшых рэгіёнаў Чэхіі, Германіі і Славакіі. На папулярнасць згаданага месца ўплывае не толькі культ Маці Божай, але таксама маляўнічае размяшчэнне касцёла.


Іглічна. Photo: Anna Zadrożna/Sekcja Białoruska PRdZ Іглічная. Photo: Anna Zadrożna/Sekcja Białoruska PRdZ

Штогод у перадапошнюю нядзелю чэрвеня ў санктуарыі на Іглічнай адбываюцца ўрачыстасці ў гонар Маці Божай - прычыны нашай радасці, а ў першую нядзелю жніўня свята Маці Божай Снежнай.


Іглічна. Photo: Anna Zadrożna/Sekcja Białoruska PRdZ Іглічная. Photo: Anna Zadrożna/Sekcja Białoruska PRdZ

Звычайна святая імша ў санктуарыі служыцца а 12.00. Па суботах, нядзелях і святах – а 12:00 і 16:00. Побач з касцёлам размешчаны Крыжовы шлях, які вядзе на вяршыню Іглічнай гары.


Крыжовы шлях, Іглічна . Photo: Anna Zadrożna/Sekcja Białoruska PRdZ Крыжовы шлях, Іглічная . Photo: Anna Zadrożna/Sekcja Białoruska PRdZ

Праз Іглічную гару праходзяць асноўныя турыстычныя маршруты масіва Снежніка. Тры з іх вядуць з непадалёкага курортнага гарадка Мендзыгужэ. Найлепш для пешых паходаў падыходзяць чырвоная і жоўтая сцежкі. Зялёная сцежка найбольш складаная і месцамі слаба пазначаная.


Іглічна . Photo: Anna Zadrożna/Sekcja Białoruska PRdZ Іглічная. Photo: Anna Zadrożna/Sekcja Białoruska PRdZ

Вяршыня Іглічнай гары з’яўляецца выдатная нагляднай кропкай, з якой можна палюбавацца панарамай Клодскай зямлі і навакольных горных масіваў, то бок Чорнай гарой, Снежнікам і наогул Клодскай катлавінай. На схіле Іглічнай, ніжэй санктуарыя, знаходзіцца турыстычная база „На Іглічнай”.


Tурыстычная база „На Іглічнай”.  Photo: Anna Zadrożna/Sekcja Białoruska PRdZ Tурыстычная база „На Іглічнай”. Photo: Anna Zadrożna/Sekcja Białoruska PRdZ

На вяршыню Іглічнай можна дабрацца на аўтамабілі пасля атрымання адмысловага дазволу кіраўніцтва мясцовага лясніцтва ў гарадку Мендзыгужэ. Тады ад стаянкі да святыні застаецца прайсці каля 400 метраў.


Гара Іглічная. Photo: Anna Zadrożna/Sekcja Białoruska PRdZ Гара Іглічная. Photo: Anna Zadrożna/Sekcja Białoruska PRdZ

Іншыя пешаходныя маршруты на Іглічную гару пачынаюцца таксама ў Быстшыцы Клодскай (Bystrzyca Kłodzka), Длугаполі-Здруй (Długopole –Zdrój) і ў Стронях Слёнскіх (Stronie Śląskie).


Гара Іглічная. Photo: Anna Zadrożna/Sekcja Białoruska PRdZ Гара Іглічная. Photo: Anna Zadrożna/Sekcja Białoruska PRdZ

Анна Задрожна


Больш на гэтую тэму: Запрашаем у Польшчу