Калядная куцця
Сёння ў кулінарнай рубрыцы на Раство прыгатуем куццю. Калі некаму здаецца, што гэта – «праваслаўная» страва, то ён памыляецца: каталікі таксама ставяць на калядны стол куццю!
200 г пшаніцы
150 г маку
4 сталовыя лыжкі мёду
1 сталовая лыжка цукровай пудры
стручок ванілі
125 г тлустай смятаны
50 г разынак
50 г грэцкіх арэхаў
1) Пшаніцу ачысціць, прамыць і зварыць да мяккасці (каля 3-4 гадзін). Пасля адцадзіць.
2) Мак заліць кіпнем. І варыць, пакуль не зробіцца мяккім. Адцадзіць.
3) Мак трэба двойчы прапусціць праз дробную сетку мясарубкі
4) Перамяшаць пшаніцу з макам і пасечанымі грэцкімі арэхамі і разынкамі, дадаць тлустую смятану. А пасля заправіць мёдам, цукрам і ваніллю. Астудзіць.
Куцця гатова на Каляды!
А пра нюансы падрыхтоўкі куцці раскажа пастаянны госць студыі Кацярына Адамская. Разам з ёй ля мікрафона Валеры Саўко.
слухайце аўдыёфайл