Сёння прыгатуем вельмі старую польскую страву, характэрную для ўсіх рэгіёнаў краіны. Называецца яна пражуха бульбяная – гэта бульба, прыгатаваная з мукой.
Інгрэдыенты
- 1,5 кг бульбы
- 150 г мукі (суадносіны бульбы і пшанічнай мукі прыблізна 10:1)
- соль, перац, цыбуля; на выбар: сала, вэнджанае сала альбо бекон
Варым бульбу каля 20 хвілін у салёнай вадзе. Часткова адцэдзім клубні і пакінем каля 0,5 шклянкі вады. Павольна пасыпаем бульбу мукой і далей варым каля 10 хвілін на слабым агні. Трэба звярнуць увагу на тое, што страва лёгка прыгарае. Пазней таўчом бульбу з мукой да ўтварэння клейкай і густой масы. Накладваем лыжкай, змочанай у тлушчы.
Падаем пражуху бульбяную палітую растопленым тлушчам са скваркамі і падрумяненай цыбуляй. Варта паспрабаваць пражуху з цёплым альбо кіслым малаком. Кіслыя агуркі таксама вельмі пасуюць да яе.
Падрабязней пра страву і спосаб прыгатавання раскажа пастаянны госць студыі Кацярына Адамская. З ёй у студыі Валеры Саўко.
Смачна есці!
слухайце аўдыёфайл