Каталікі адзначаць Вялікдзень ужо ў бліжэйшую нядзелю. Сярод страваў на традыцыйным польскім святочным стале асобнае месца займаюць дэсерты. Сярод іх – сырнік, альбо кажучы інакш – тварожны пірог.
Старапольскі сырнік з бульбай
Інгрэдыенты
тварог – 1 кг
бульба – 4 шт.
цукар – 1,5 шклянкі
250 г масла
яйкі – 8 штук (жаўткі і бялкі асобна)
пачак ванільнага цукру
Адварыце бульбу ў мундзірах. Адвараную бульбу прапусціце праз мясарубку.
Тварог два разы прапусціце праз мясарубку.
Масла растапіце. Бялкі ўзбіце ў моцную пену.
Жаўткі разатрыце з цукрам у пульхную масу. Паступова дадайце ўсе інгрэдыенты па чарзе (бульба ўжо павінна быць халоднай). Акуратна дадавайце ўзбітыя бялкі, увесь час памешваючы.
Таксама можна дадаць 100 г разынак і 50 г апельсінавай цэдры.
Выкладзіце масу ў форму і запякайце ў духоўцы пры тэмпературы 180 градусаў прыблізна 65 хвілін.
Калі пірог астыне, можна яго падаць з шакаладным соўсам або іншым салодкім соўсам. Таксама можна паліць лімоннай глазурай. Сырнік атрымліваецца вельмі далікатны і злёгку вільготны.
Падрабязнасці гатавання нам раскажа пастаянны госць студыі Кацярына Адамская. Разам з ёй ля мікрафона Валеры Саўко.
слухайце аўдыёфайл
здымак мае ілюстрацыйны характар