X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Палянчык – папулярны курортны гарадок у горах Бяшчадах (ФОТА)

14.08.2020 12:11
Маляўнічае распалажэнне гарадка на заходнім беразе Салінскага возера ў Бяшчадах  прыцягвае многіх турыстаў.
Аўдыё
  • Маляўнічае распалажэнне гарадка на заходнім беразе Салінскага возера ў Бяшчадах прыцягвае многіх турыстаў.
, .
Палянчык, порт.Photo: Anna Zadrożna/Redakcja Białoruska/PRdZ

Сёння я запрашаю ў Палянчык (Polańczyk) - курортны гарадок, размешчаны на паўночным усходзе Польшчы ў Падкарпацкім ваяводстве. Гэта другі пасля Саліны (Solina) найбуйнейшы і адначасова найбольш папулярны курорт у горах Бяшчадах (Bieszczady).

Палянчык займае сонечныя схілы трох маляўнічых узгоркаў: Кабайкі(Kabajka), Кальварыі(Kalwaria) і Гары Савін(Góra Sawin) на заходнім беразе Салінскага возера(Jezioro Solińskie).

Салінскае возера, Палянчык. Photo: Anna Zadrożna/Redakcja Białoruska/PRdZ Салінскае возера, Палянчык. Photo: Anna Zadrożna/Redakcja Białoruska/PRdZ

У сваю чаргу курортная частка мясцовасці, Палянчык-Здруй (Polańczyk – Zdrój), распаложаная на найбольш прыгожай і плоскай тэрыторыі паўночна-ўсходняга схіла Гары Савін, урэзваючыся ў Салінскае возера паўвостравам.Палянчык характарызуецца мяккім субгорскім кліматам з сярэдняй гадавой тэмпературай 6 градусаў Цэльсія і снежнай зімой. Салінскае вадасховішча супакойвае ваганні тэмператур, павышае вільготнасць і ажыўляе цыркуляцыю паветра.

На турыстычны і курортны характар гарадка паўплывала стварэнне Салінскага возера напрыканцы 1960-х гадоў мінулага стагоддзя. Раней Палянчык быў адной з вёсак у Бяшчадах, якая была заснавана ў XVI стагоддзі ў маёнтку сям’і Кмітаў.

Палянчык-Здруй. Photo: Anna Zadrożna/Redakcja Białoruska/PRdZ Палянчык-Здруй. Photo: Anna Zadrożna/Redakcja Białoruska/PRdZ

З 1999 года Палянчык з’яўляецца сядзібай гміны Саліна і з гэтага часу горад  карыстаецца афіцыйным статусам курорту. Дарэчы, яго атрыманне было падсумаваннем ранейшай 25-гадовай курортнай гісторыі, якая датуецца 1974 годам.

З Палянчыка можна палюбавацца маляўнічымі панарамамі Салінскага возера і самых высокіх частак Бяшчадаў. Да стварэння вадасховішча вёска размяшчалася на левым беразе ракі Салінка(Solinka), недалёка ад месца, дзе яна ўпадае ў раку Сан(San). Цяпер яна мяжуе з вёскай Мычкаў (Myczków), на поўдні з гарадком Рыбна(Rybno) і на захадзе з Матыяшкoвай Воляй(Matiaszowa Wola). Найбліжэйшым буйнейшым гарадом з’яўляецца Санак(Sanok), пазмешчаны ў 30 кіламетрах ад Палянчыка.

Палянчык-Здруй. Photo: Anna Zadrożna/Redakcja Białoruska/PRdZ Палянчык-Здруй. Photo: Anna Zadrożna/Redakcja Białoruska/PRdZ

Палянчык-Здруй з’яўляецца часткай гарадка, якая займае плошчу амаль 1,5 тысячы гектараў і прапануе пацыентам больш за 1 200 начлежных месцаў. Сюды прыязджаюць людзі з артапедычнымі і траўматычнымі захворваннямі, хваробамі верхніх і ніжніх дыхальных шляхоў. Пацыенты аддзелаў рэўматалогіі, эндакрыналогіі, кардыялогіі і гінекалогіі.

Палянчык-Здруй. Photo: Anna Zadrożna/Redakcja Białoruska/PRdZ Палянчык-Здруй. Photo: Anna Zadrożna/Redakcja Białoruska/PRdZ

Маляўнічае распаляжэнне Палянчыка ў горах Бяшчадах на заходнім беразе Салінскага возера прыцягвае многіх турыстаў. Летам, гэта перш за ўсё аматары пешых прагулак па гoрах і водных відаў спорту, а ўзімку – гарналыжнага спорту. 

Палянчык. Photo: Anna Zadrożna/Redakcja Białoruska/PRdZ Палянчык. Photo: Anna Zadrożna/Redakcja Białoruska/PRdZ

Іх чакае багатая сучасная турыстычная інфраструктура. На беразе возера дзейнічае шмат пансіянатаў, санаторыяў, гатэляў і агратурыстычных аб’ектаў, якія прымаюць турыстаў круглы год.  

Палянчык у поўнай меры выкарыстоўвае турыстычны патэнцыял Салінскага возера. Турысты і пацыенты могуць скарыстацца рэйсамі па возеры, рыбалкай, гарадскім пляжам, а таксама шматлікімі культурніцкімі мерапрыемствамі, якія адбываюцца асабліва ў летнім сезоне.

Палянчык. Photo: Anna Zadrożna/Redakcja Białoruska/PRdZ Палянчык. Photo: Anna Zadrożna/Redakcja Białoruska/PRdZ

Акрамя прапановаў, звязаных з водным спортам, Палянчык прапануе таксама сетку сцежак і пешаходных маршрутаў, якія спалучаюць гарадок з Салінай, Мычкавецкім возерам (Jezioro Myczkowieckie) і іншымі прываблівасцямі ваколіцы. Для найбольш актыўных турыстаў тут былі вызначаныя некалькі пешаходных і веласіпедных маршрутаў.


  Палянчык. Photo: Anna Zadrożna/Redakcja Białoruska/PRdZ

Палянчык. Photo: Anna Zadrożna/Redakcja Białoruska/PRdZ

Зялёнай пешаходнай сцежкай з Палянчыка, якая вядзе ад Загуржа(Zagórze) праз Леска(Lesko), Ваўкавыю (Wołkowyja) на гару Крысовую (Krysowa) і далей па „чорнай сцежцы” можна дабрацца на масіў Паланіна Вэтлінска(Połonina Wetlińska).

Для дасведчаных веласіпедыстаў тут быў вызначаны зялёны веласіпедны шлях (Greenway Karpaty Wschodnie), які вядзе ў самыя аддаленыя куткі Бяшчадаў.

  Палянчык. Photo: Anna Zadrożna/Redakcja Białoruska/PRdZ
 






Палянчык. Photo: Anna Zadrożna/Redakcja Białoruska/PRdZ

Абавязкова трэба паплаваць па Салінскім возеры, наведаць мясцовы порт, наглядныя пляцоўкі і Музей культуры бойкаў – цікавай мясцовай этнічная групы, якая сотні гадоў таму пасялілася ў Бяшчадах. Нельга забываць таксама пра плаціну ў Саліне ці суседні курорт Устшыкі Дольныя (Ustrzyki Dolne).

  Палянчык, наглядныя пляцоўкa. Photo: Anna Zadrożna/Redakcja Białoruska/PRdZ





Палянчык, наглядныя пляцоўкa. Photo: Anna Zadrożna/Redakcja Białoruska/PRdZ

У Палянчыку жыве і працуе шмат мастакоў, працамі якіх можна захапляцца ў мясцовых галерэях. Цэнтр Палянчыка-Здруй прыцягвае турыстаў мноствам кавярняў, бараў і пабаў. Тут можна выпіць кавы і з'есці нейкую рэгіянальную страву.

Палянчык, Салінскае возера. Photo: Anna Zadrożna/Redakcja Białoruska/PRdZ





Палянчык, Салінскае возера. Photo: Anna Zadrożna/Redakcja Białoruska/PRdZ

Палянчых распаложаны ў 400 кіламетрaх ад Варшавы, але летам падарожжа можа заняць нават 7 гадзін. Дабрацца да Палянчыка можна таксама з Жэшава (Rzeszów), дзе знаходзіцца бліжэйшы аэрапорт. Палёт з Варшавы да Жэшава займае каля адной гадзіны.

Плацінa ў Саліне. Photo: Anna Zadrożna/Redakcja Białoruska/PRdZ





Плацінa ў Саліне. Photo: Anna Zadrożna/Redakcja Białoruska/PRdZ

Палянчык варта наведаць асабліва вясной і летам, калі можна карыстацца адпачынкам на возеры. Але асенне-зімовая турыстычная прапанова гарадка таксама задаволіць самых патрабавальных турыстаў, асабліва калі яны хочуць адпачыць ад гарадской мітусні.

Анна Задрожна

Больш на гэтую тэму: Запрашаем у Польшчу