X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

22 жніўня 1864 года лічыцца днём заснавання арганізацыі «Чырвонага крыжа»

22.08.2020 10:07
Ідэя стварэння арганізацыі належыць швейцарскаму бізнесоўцу Жан Анры Дзюнану.
  -
"Камітэт пяцёх" - заснавальнікі "Чырвонага крыжа"Domena publiczna, https://commons.wikimedia.org/w/index.php?curid=360823

Ідэя стварэння арганізацыі належыць швейцарскаму бізнесоўцу Жан Анры Дзюнану, які нечакана стаўся сведкай крывавай бітвы каля невялічкага італьянскага гораду Сальферына ў 1859 годзе паміж аўстрыйскім і франка-сардынскім войскамі. На полю бою засталося каля 40 тысячаў забітых і параненых салдат, якім ніхто не аказваў ніякай дапамогі. Гэта шакавала Дзюнана. Некалькі дзён ён сам аказваў неабходную дапамогу параненым вайскоўцам. Пасля вяртання ў Жэневу Дзюнан напісаў і за ўласныя грошы апублікаваў кнігу «Успаміны з Сальферына», дзе абгрунтоўваў неабходнасць стварэнне нейтральнай арганізацыі, якая аказвала б дапамогу параненым у часе воен.

У 1863 годзе Дзюнан сфарміраваў спецыяльны «Камітэт пяцёх», які дапамагаў яму далей распрацоўваць і ажыццяўляць гэтую ідэю. У хуткім часе гэты камітэт быў перайменаваны ў «Міжнародны камітэт дапамогі параненым».

У жніўні 1864 году па ініцыятыве Дзюнана «Камітэт пяцёх» склікаў у Жэневу прадстаўнікоў еўрапейскіх дзяржаваў на канферэнцыю, прысвечаную гэтай тэме. У ёй прынялі ўдзел дэлегацыі 16 краінаў.
22 жніўня прадстаўнікі 12 дзяржаваў падпісалі першую Жэнеўскую канвенцыю дзеля «Паляпшэння ўмоваў для параненых у войсках у палявых умовах». Быў таксама прыняты сімвал Чырвоны крыж, які з’яўляецца адлюстраванне нацыянальнага сцягу Швейцарыі.
У 1876 годзе Камітэт, які быў заснаваны Анры Дзюнанам прыняў новую назву «Міжнародны камітэт Чырвонага Крыжа», якая засталася і па сённяшні дзень.

Сёння ў «Чырвоным Крыжы» працуе каля каля 97 мільёнаў чалавек. Штабкватэра арганізацыі знаходзіцца ў Жэневе, а яе знешнія офісы працуюць у 80 краінах свету.

Праца «Чырвонага Крыжа» базуецца на сямі галоўных прынцыпах:
- гуманізм,
- непрадузятасць,
- нейтральнасць,
- незалежнасць,
- дабравольная служба,
- адзінства,
- універсальнасць

Асноўнай мэтай арганізацыі з’яўляецца: ахоўваць жыццё і годнасць ахвяраў міжнародных і ўнутраных узброеных канфліктаў.

Міжнародны «Чырвоны крыж» мае права прысутнічаць паўсюль там, дзе адбываюцца канфлікты, а канфліктуючыя бакі, павінны паважаць і бараніць прадстаўнікоў «Чырвонага крыжа».
Арганізацыя таксама мае права: весці маніторынг і сачыць за тым, як адбываецца канфлікт, арганізоўваць дагляд і дапамогу тым, хто быў паранены, назіраць за тым, у якіх умовах трымаюцца ваеннапалонныя, дапамагаць у пошуках  зніклых без вестак, арганізоўваць ахову і дапамогу грамадзянскаму насельніцтву, праводзіць перамовы паміж канфліктуючымі бакамі.


Павал Усаў

Больш на гэтую тэму: Лісток каляндара