Іх у свеце каля 34 мільёнаў, сярод іх каля 8,5 мільёнаў складаюць ахвяры канфліктаў, каля 20 мільёнаў – гэта ахвяры гуманітарных катастрофаў.
Адказны за справы мігрантаў у Канферэнцыі епіскапату Польшчы, біскуп Кшыштаф Задарка падкрэслівае, што дзень мігранта павінен дапамагчы ў пошуку хрысціянскага адказу, кім з’яўляецца імігрант і ўцякач, якія ў іх праблемы:
-Каб служыць другому чалавека, трэба да яго наблізіцца. Важнай падказкай у словах папы Францішка здаецца з’яўляецца тое, каб у падыходзе да іншага чалавека мы не абмяжоўваліся толькі і выключна да збору грошай. Гэта нас крыху апраўдвае: мы дапамагаем чужынцам. Можам нават дапамагчы людзям у Сірыі і Іраку, а побач з намі жывуць ананімныя людзі. Без бліжэйшага кантакту яны застануцца самыя са сваімі праблемамі.
Біскуп Кшыштаф Задарка гаворыць, што неабходна будаваць мадэль інтэграцыі з імігрантамі. Ён нагадаў пра папскі дакумент з 2013 году пра імігрантаў і ўцекачоў, а таксама прымусова выселеных:
-У нас ёсць маральны абавязак вымагаць ад гэтых людзей, імігрантаў ці ўцекачоў, шанаваць нашую культуру, паважаць наш закон. Не можа быць гаворкі пра права шарыяту, калі ў нас такі, а не іншы закон. Мы маем абавязак вымагаць ад іх павагі да нашых традыцый і пачуцця бяспекі. Калі мы не будзем гэтага рабіць, то не трэба здзіўляцца, што ўзнікаюць гета.
Біскуп Задарка нагадаў, што папа Францішак выкарыстоўвае чатыры дзеясловы, якія павінна характэрызаваць хрысціянскую пазіцыю ў дачыненні да мігрантаў і ўцекачоў: прыняць, папулярызаваць, ахоўваць і інтэграваць.
ав