X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

24.10.1956 г. Гамулка выступіў на плошчы пад Палацам культуры і навукі з прамовай, якая запачаткавала адлігу

24.10.2020 11:02
Пачаткам сур’ёзных зменаў у сацыялістычных краінах у 1956 годзе стаўся працэс дэсталінізацыі і даклад М.Хрушчова.
Аўдыё
  • 24.10.1956 г. Гамулка выступіў на плошчы пад Палацам культуры і навукі з прамовай, якая запачаткавала адлігу
Nikita Chruszczow i Władysław Gomułka
Nikita Chruszczow i Władysław GomułkaPAP/CAF ZBIGNIEW MATUSZEWSKI

Пачаткам сур’ёзных зменаў у сацыялістычных краінах у 1956 годзе стаўся працэс дэсталінізацыі ў СССР і даклад М.Хрушчова на ХХ з’ездзе КПСС з крытыкай культу Сталіна, што паўплывала на стабільнасць палітычных сістэмаў у краінах-сатэлітах СССР.

З кіроўных пасадаў адсоўваліся сталіністы. У Польшчы ў дадатак адбылося шэраг значных падзеяў: у сакавіку нечакана і таямніча памёр першы сакратар партыі Баляслаў Берут, які быў з візітам у Маскве; у чэрвені адбыліся масавыя забастоўкі працоўных у Познані, якія былі задаўлены войскам. Агульна, сітуацыя выглядала даволі напружана і кіроўныя эліты разумелі неабходнасць зменаў. У гэтых умовах 19 кастрычніка адбыўся пленум ЦК ПАРП, які павінен быў прыняць прынцыповыя рашэнні, звязаныя з дэсталінізацыяй і зменамі ў сацыяльна-эканамічным жыцці.

Гэтыя змены не маглі не хваляваць Крэмль, бо маглі прывесці да нечаканых вынікаў. На пачатку кастрычніка партыйцы ў Польшчы вырашылі вярнуць Уладыслава Гамулку на кіруючыя пасады. Як вядома, ён з 1951 па 1954 год знаходзіўся ў вязніцы. Савецкія ўлады даведаліся аб надыходзячым пленуме толькі з запіскі амбасадара, які таксама падкрэсліў магчымасць дыстансавання Польшчы ад СССР.

Масква, не гледзячы на пратэсты Варшавы, вырашыла накіраваць на пленум дэлегацыю з Хрушчовым на чале.
Хрушчоў, у характэрнай яму манеры, як толькі прызямліўся ў Акэнце, пачаў крычаць на польскіх прадстаўнікоў: «Мы пралівалі кроў за гэтую краіну, а вы жадаеце аддаць яе амерыканцам! Мы вам не дазволім!».

Канешне, гэта паўстрымала польскае кіраўніцтва ад радыкальных крокаў, але некаторыя мэты былі дасягнуты. Перш за ўсё, Гамулку прызначылі першым сакратаром партыі, і яму ўдалося адстаяць палітыку рэформаў. Гамулка запэўніў савецкую дэлегацыю, што будзе працягваць цесную супрацу з СССР.

24 кастрычніка ў Варшаве ў цэнтры горада на плошчы Дэфіляд сабралася каля 400 тыс. чалавек, перад якімі прамовіў Гамулка. З аднаго боку, ён лагодна пакрытыкаваў папярэдні перыяд будавання сацыялізму, які не адпавядаў ідэям камунізму, а з іншага боку падкрэсліў, што Польшча будзе і далей будаваць сацыялістычную дзяржаву і грамадства, разам з Савецкім Саюзам.

Так ці інакш, не гледзячы на канфрантацыю з СССР, у Польшчы пачаўся, хоць і кароткі, але перыяд палітычнай адлігі. Вынікамі яе сталася, перш за ўсё, дэсталінізацыя Польшчы. Горад Сталінград зноў стаў Катавіцэ, імя Сталіна была выкрэслена з назвы Палацу культуры і навукі, пастаўлены Масквой маршал Канстанцін Ракасоўскі быў зняты з пасады міністра абароны; з гэтага моманту на вышэйшыя вайсковыя пасады прызначаліся толькі палякі; зменшыўся ціск на каталіцкі касцёл; быў вызвалены з вязніцы кардынал Вышыньскі; выпусцілі з турмаў больш за 35 тыс. чалавек, у тым ліку жаўнераў Арміі краёвай; рэабілітавана звыш 1500 чалавек, былі арыштаваныя і асуджаныя найбольш адыёзныя ўдзельнікі сталінскіх чыстак у Польшчы.


Павал Усаў


Больш на гэтую тэму: Лісток каляндара