Цукінія (зялёны кабачок) у блінным цесце
Інгрэдыенты
Цукінія
1/2 шклянкі пшанічнай мукі
1/2 шклянкі малака
1 яйка
Масла альбо алей
1/2 чайнай лыжачкі разрыхляльніка
Прыправы, напрыклад, праванскія травы, перац
Нарэжце цукінію на скрылікі таўшчынёй каля 0,5 см.
Падрыхтуйце бліннае цеста. У місцы злучыце інгрэдыенты: дадайце муку, разрыхляльнік, малако, прыправы, соль. Цеста трэба добра вымешаць.
Разагрэйце вялікую патэльню, дадайце 2 сталовыя лыжкі сметанковага масла альбо алею.
Кавалкі цукініі апусціце ў цеста і выкладзіце на патэльню. Смажце на сярэднім агні да залацістага колеру прыблізна 1-2 хвіліны з кожнага боку.
Пакладзіце на папяровыя ручнікі, каб прамакнуць тлушч. Пры неабходнасці дадайце масла альбо алей падчас смажання наступнай партыі.
Пра тое, як зрабіць цукінію ў блінным цесце, раскажуць Кацярына Адамская і Валеры Саўко.
слухайце аўдыёфайл