X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

119 гадоў таму ў Варшаве адкрылі фешэнебельны гатэль «Брыстоль», які тады лічыўся цудам тэхнікі

27.11.2020 08:03
«Ліфт крыштальны, празрысты, з белымі рамкамі – нібы карэта з казкі, з мяккімі крэсламі».
Аўдыё
  • 119 гадоў таму ў Варшаве адкрылі фешэнебельны гатэль «Брыстоль», які тады лічыўся цудам тэхнікі
      .
Адзін са шматлікіх апартаментаў варшаўскага гатэля «Брыстоль». Сучасны від screen/YouTube/ Hotel Bristol, a Luxury Collection Hotel ,Warsaw

19 лістапада 1901 года ў Варшаве быў адкрыты гатэль «Брыстоль». Па сённяшні дзень згаданая гасцініца з’яўляецца адной з найлепшых і фешэнебельных у польскай сталіцы, а ў момант адкрыцця дык увогуле была цудам тэхнікі.

У канцы 19-га стагоддзя на месцы «Брыстоля» стаяў палац Тарнаўскіх. У 1895 годзе яго выкупіла бізнес-таварыства ў складзе трох чалавек. Адным з іх быў тады ўжо вядомы польскі кампазітар і піяніст, пазнейшы прэм’ер-міністр Польшчы і ўдзельнік Версальскай канферэнцыі Ігнацы Ян Падэрэўскі. Неўзабаве палац быў знесены, а на яго месцы пачалося будаўніцтва гасцініцы. Пры гэтым варта зазначыць, што паводле тагачасных меркаў узвядзенне гатэля адбылося даволі хутка – цягам двух гадоў.

Гэта была вялікая інвестыцыя, якая каштавала каля 2 млн рублёў. Каб параўнаць, колькі гэта, варта сказаць, што ў той час гарадскі бюджэт Варшавы складаў 4 млн рублёў! Дарэчы, перад будаўніцтвам была праведзеная адпаведная рэкламная і пі-ар кампаніі, кажучы сучаснай мовай. Для прыкладу, у друку быў аб’яўлены конкурс пад назвай «Чаму Брыстоль называецца Брыстолем?». «Хто адгадае – атрымае ў падарунак цэглу з новай гасцініцы, якую ў Варшаве будуе Падэрэўскі», – пісалі варшаўскія газеты.

Гасцініца будавалася пры выкарыстанні апошніх дасягненняў тэхнікі і тэхналогій: новыя сучасныя ліфты, новае ацяпленне, электрычнасць і гэтак далей. Шматлікія нумары, люксавыя ванныя пакоі, некалькі рэстаранаў, більярдная зала, а таксама пошта, цырульнік, фотаатэлье, шматлікія крамы, у тым ліку кветкавая.

«Ліфт крыштальны, празрысты, з белымі рамкамі – нібы карэта з казкі, з мяккімі крэсламі. Падымаецца плаўна, без штуршкоў, з хуткасцю 10 см на секунду. І забірае 8 чалавек», – з захапленнем пісаў варшаўскі друк. А рэстаран Malinowa (Малінавы) з самага пачатку стаў люксавым месцам! Дарэчы, ён і сёння з’яўляецца прэстыжным.

20 лістапада 1901 года, праз дзень пасля адкрыцця гасцініцы, газета «Варшаўскі кур’ер» апублікавала спіс першых гасцей «Брыстоля» і журналісцкі матэрыял з адкрыцця аб’екту. Гэты факт сведчыць пра тое, што пачатак працы гатэля быў для Варшавы сапраўды важнай гістарычнай падзеяй. І вось што напісала газета... Фрагмент архіўнай перадачы Польскага радыё, прысвечанай гісторыі «Брыстоля».

- Першым госцем у спісе пастаяльцаў быў журналіст і грамадскі дзеяч Ян Фіна-Фінкельхаўс. Зразумела, з жонкай. Спадарыня Эмілія Фіна-Фінкельхаўс у дарагім футры выйшла з брычкі. Стукаючы абцасамі па тратуары, яна накіравалася ў белы гатэль, пабудаваны ў неарэнесансным стылі. Бэл-бой падбег да брычкі і забраў чамаданы. Пры дзвярах ганаровых гасцей сустрэў першы дырэктар «Брыстоля», швейцарац Ёзэф Хэльблінг.
У «Брыстолі» заўсёды жыў вядомы оперны спявак Як Кепура, калі яму прыходзілася бываць у Варшаве.

На шчасце, падчас вайны гатэль не быў знішчаны і вельмі хутка пасля вызвалення Польшчы прыняў першых гасцей. У часы ПНР «Брыстоль» перш за ўсё быў разлічаны на абслугоўванне замежных турыстаў. У 1981 годзе гасцініца была закрытая, паколькі не ўдалося знайсці фірмы, якая б правяла дакладную гістарычную рэканструкцыю. Адкрылі «Брыстоль» пасля рамонту ў красавіку 1993 года. Прычым урачыста адкрыла прэм’ер-міністр Вялікабрытаніі Маргарэт Тэтчэр.

Цягам 100 гадоў у гасцініцы спыняліся многія вядомыя асобы: Гельмут Коль, Жак Шырак, Майкл Джэксан, The Rolling Stones і Мік Джагер і многія-многія іншыя.

Валеры Саўко

слухайце аўдыёфайл

Больш на гэтую тэму: Машына часу