Залацісты колер, тоўстая і хрумсткая скарынка і цудоўны пах – адметная рыса люблінскага цыбульніка. Самыя смачныя – яшчэ цёплыя, наўпрост з духоўкі!
Цеста
50 г свежых дражджэй або 15 г сухіх дражджэй
1 сталовая лыжка цукру
500 г мукі
1 шклянка цёплага малака
1 яйка
2 чайныя лыжкі солі
60 г сметанковага масла
Цыбуля з макам
2 вялікія цыбуліны
3 сталовыя лыжкі маку
1 лыжачка солі
2 сталовыя лыжкі алею
Цыбуля з макам
Лепш за ўсё падрыхтаваць цыбулю загадзя, за дзень або два. Цыбулю трэба нарэзаць тоўстымі кубікамі, адварыць 1-2 хвіліны ў кіпені і працадзіць. У гарачым выглядзе змяшаць з макам, соллю і алеем. Хутка перакласці ў слоік, шчыльна закрыць і пасля таго, як астыне, паставіць у халадзільнік.
Цеста
Змяшаць свежыя дрожджы з цукрам, 2 сталовымі лыжкамі мукі і часткай цёплага малака. Пакінуць падрасці. Дрожджы хуткага прыгатавання трэба адразу змяшаць з мукой.
Пасля гэтага трэба змяшаць сметанковае масла з астатняй часткай малака. Дадаць закваску з цёплым малаком і сметанковым маслам да мукі з соллю.
Яйка неабходна ўзбіць відэльцам і дадаць да астатніх інгрэдыентаў.
Замясіць цеста і пакінуць расці каля 60 – 90 хвілін.
Пасля гэтага трэба пакласці цеста на стальніцу, прысыпаць мукой і мясіць каля 1 – 2 хвілін. Падзяліць яго на 14 частак. Кожную частку раскачаць у корж, выкласці на тонка змазаную бляху. Край трэба змазаць яйкам. Пасля гэтага – выкласці цыбулю з макам. Пакінуць падымацца 30 – 60 хвілін.
Цыбульнік неабходна выпякаць каля 20 хвілін пры тэмпературы 180 градусаў да залацістага колеру.
Пра тое, як зрабіць страву, раскажуць Кацярына Адамская і Валеры Саўко.
слухайце аўдыёфайл