Беларуская Служба

Запрашаем у Любомеж – польскі Галівуд(ФОТА)

19.03.2021 16:03
У згаданым гарадку здымаліся шматлікія кінафільмы, у тым ліку культавая польская камедыя „Усе свае”.
Аўдыё
  • У згаданым гарадку здымаліся шматлікія кінафільмы, у тым ліку культавая польская камедыя „Усе свае”.
ЛюбомежAutorstwa image/photo was taken by Wikipedia and Wikimedia Commons user Ludwig Schneider.I would appreciate being notified if you use my work outside Wikimedia.Do not copy this image illegally by ignoring the terms of the license below, as it is not in the public domain. If you would like special permission to use, license, or purchase the image pl

Сёння я запрашаю ў Любомеж (Lubomierz) - горад на паўднёвым захадзе Польшчы. Гэта адзін з самых маленькіх і старажытных гарадоў у Ніжняй Сілезіі. Любомеж часта называюць архітэктурнай жамчужынай Ніжняй Сілезіі. Гэта з-за таго, што ён не быў  пашкоджаны падчас Другой сусветнай вайны і па сённяшні дзень захаваў выгляд, характэрны сярэднявечным гандлёвым паселішчам.

Любомеж. Zdjęcie autorstwa Platanacero - Praca własna, CC BY-SA 4.0, https://commons.wikimedia.org/w/index.php?curid=4559215 Любомеж. Zdjęcie autorstwa Platanacero - Praca własna, CC BY-SA 4.0, https://commons.wikimedia.org/w/index.php?curid=4559215

Пачаткі Любомежа адносяцца да ХІІ стагоддзя і яны звязаныя з размяшчэннем паселішча на важным камунікацыйным шляху з Прагі ў Жгажэлец(Zgorzelec).

Вельмі важнай падзеяй, якая паўплывала на развіццё і гісторыю горада, стала будаўніцтва кляштара і пасяленне ў ім бенедыктынак.

Любомеж атрымаў гарадскія правы ў 1291 годзе ад князя Болека І Свідніцкага, які даў гарадку прывілеі, у тым ліку права арганізоўваць штогадовы кірмаш і загадаў узвесці гарадскія ўмацаванні. Усё гэта дапамагло гораду і кляштару атрымліваць значныя даходы і развівацца. У 1408 годзе гарадскія прывілеі падтрымаў чэшскім кароль Вацлавам ІІ.

Тым ня менш Любомежа не шкадавалі частыя пажары, эпідэміі і паводкі. У 1426 годзе горад і кляштар былі разбураны і разрабаваны гусітамі. Пастаянная пагроза вайны прывяла да стварэння ў горадзе арганізацыі (Bractwo Kurkowe), якая навучала гараджан карыстацца зброяй у выпадку, калі трэба было б абараняць гарадскія сцены.

Любомеж,1832 год . Zdjęcie: Friedrich August Tittel - Biblioteka Narodowa, Domena publiczna, https://commons.wikimedia.org/w/index.php?curid=101221550 Любомеж,1832 год . Zdjęcie: Friedrich August Tittel - Biblioteka Narodowa, Domena publiczna, https://commons.wikimedia.org/w/index.php?curid=101221550

Любомеж развіваўся найбольш інтэнсіўна ў сярэдзіне XVI стагоддзя. Гэта, між іншым, дзякуючы развіццю гандлю і арганізаванні найбуйнейшых кірмашоў у гэтай частцы Сілезіі. Асноўным месцам гандлю была гарадская плошча.

У 1544 годзе ў гарадку была заснаваная школа, памяшканне якой размяшчаўся ў адной з гарадскіх брамаў. Цікава, што з Любомежа паходзяць самыя выбітныя кракаўскія друкары: Геранім Ветар, Марэк Шарфенберг і яго сыны Мікалай і Станіслаў.

Любомеж развіваўся да моманту, калі ў буйных гарадах не ўзніклі баваўняныя мануфактуры і швейная прамысловасць. Гэта азначала стагнацыю і заняпад гарадка.


Будынак чыгуначнай станцыі ў Любомежы. Zdjęcie autorstwa Platanacero - Praca własna, CC BY-SA 4.0, https://commons.wikimedia.org/w/index.php?curid=4559341 Будынак чыгуначнай станцыі ў Любомежы. Zdjęcie autorstwa Platanacero - Praca własna, CC BY-SA 4.0, https://commons.wikimedia.org/w/index.php?curid=4559341

Згаданага працэсу не перапыніла нават чыгунка, якую пабудавалі ў гарадку ў 1885 годзе. У 1945 годзе Любомеж быў далучаны да Польшчы. Тады гарадок атрымаў сваю цяперашнюю назву. Нагадваем, да 1947 года яго называлі Мілосна - гэта пераклад нямецкай назвы Liebenthal.

Што варта паглядзець у Любомежы:

- Кляштар бенедыктынак на Касцельнай плошчы – гэта комплекс гатычных і барочных будынкаў, якія ўваходзяць у склад кляштарнага комплекса з галоўным барочным касцёлам Унебаўзяцця Найсвяцейшай Панны Марыі і св. Матэрна;

Kасцёл Унебаўзяцця Найсвяцейшай Панны Марыі і св. Матэрна. Zdjęcie aAutorstwa Platanacero - Praca własna, CC BY-SA 4.0, https://commons.wikimedia.org/w/index.php?curid=4628870 Kасцёл Унебаўзяцця Найсвяцейшай Панны Марыі і св. Матэрна. Zdjęcie aAutorstwa Platanacero - Praca własna, CC BY-SA 4.0, https://commons.wikimedia.org/w/index.php?curid=4628870

- Рыначную плошчу – то бок галоўную плошчу горада з цудоўна захаванай гістарычнай архітэктурай;

- Будынак гарадской ратушу з ганебным слупам з 1530 года;

- Касцёл св. Крыжа з пачатку XVI стагоддзя, якога будаўніцтва звязанае з легендай пра цудоўную знаходку залатога крыжа ў 1521 годзе;

- Гарадскія абаронныя ўмацаванні.

Маляўнічая прырода і гістарычны клімат гарадка прыцягвалі Любомеж не толькі турыстаў, але і кінаіндустрыю. Гарадок стаў сцэнаграфіяй для шматлікіх фільмаў, у тым ліку трыпціха Сільвестра Хэнцінскага „Усе свае” („Sami Swoi”).  

Гэта культавая польская камедыя, акцыя якой праходзіць неўзабаве пасля заканчэння Другой сусветнай вайны. Фільм расказвае гісторыю дзвюх с’емяў - адвечных ворагаў, якія былі прымушаныя пераехаць з былых тэрыторыяў Усходняй Польшчы і пасяліцца на вернуты землях. Паўляк і Каргуль – заўзятыя ворагі нават пасля перасялення надалей былі суседзямі. Дарэчы ў гарадку знаходзіцца Музей Каргуля і Паўляка і помнік героям гэтай культавай камедыі.

Музей Каргуля і Паўляка . Zdjęcie autorstwa Pankrzysztoff - Praca własna, CC BY-SA 3.0 pl, https://commons.wikimedia.org/w/index.php?curid=35313339 Музей Каргуля і Паўляка . Zdjęcie autorstwa Pankrzysztoff - Praca własna, CC BY-SA 3.0 pl, https://commons.wikimedia.org/w/index.php?curid=35313339

З 1997 года ў Любомежы ладзіцца Нацыянальны фестываль камедыйнага кіно, які прыцягвае мноства выдатных акцёраў, рэжысёраў , тысячы аматараў кіно і турыстаў.

Анна Задрожна


Больш на гэтую тэму: Запрашаем у Польшчу