Сёння ў Варшаве пад будынкам крамы Ікеа пройдзе пікет беларускай дыяспары, якая патрабуе ад кампаніі спыніць закупку драўніны ў Беларусі. Уведзеныя сектаральныя санкцыі не ахапілі дрэваапрацоўчую галіну. Продаж лесу прыносіць беларускім уладам велізарны даход, а вырубка лесу мае маштабны характар.
Народнае антыкрызіснае ўпраўленне вядзе перамовы з еўрапейскімі структурамі аб увядзенні санкцый на гэтую галіну эканомікі. Кіраўні НАУ Павал Латушка аднак адзначае, што кожны можа дапамагчы справе. Па-першае, беларускія дыяспары могуць пікетаваць крамы Ікеа.
-Арганізуйце падобныя акцыя каля крамаў і прадстаўніцтваў Ікеа. Шведская кампанія закупае драўніну ў беларускага рэжыму на сотні мільёнаў долараў штогод. Другое: дасылайце нам доказы незаконнай вырубкі і продажу беларускага леса ў краіны Еўропы. Гэта дапаможа нам вырашыць пытанне спынення фінансавання рэжыма еўрапейскімі арганізацыямі пры дапамозе закупкі беларускай драўніны.
Павал Латушка таксама заклікае фіксаваць на фота і відэа выпадкі незаконнай вырубкі лясоў і перадаваць іх у незалежныя СМІ.
ав