X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Беларуская чыгунка прадстаўляе свае магчымасці ў Швецыі

02.12.2019 14:46
Сярод праектаў, якія Беларуская чыгунка гатова прапанаваць сёння, адзначаны чыгуначныя перавозкі ў Літву, Латвію, Эстонію, Украіну і Кітай.
zdjęcie ilustracyjne
zdjęcie ilustracyjneFlickr/Emmett Tullos III

БЧ на чале з першым намеснікам начальніка БЧ Ігарам Шылавым прымае ўдзел у міжнародных мерапрыемствах па супрацоўніцтве ў транспартнай сферы паміж Беларуссю, Латвіяй і Скандынавіяй.

Мерапрыемства арганізавана Латвійскай чыгункай у Швецыі, паведамляе БЕЛТА. 

Чыгуначным транспартам беларускія кампаніі экспартуюць у Літву, Латвію і Эстонію такія тавары, як мінеральныя ўгнаенні, нафтапрадукты, лясныя і будаўнічыя грузы, чорныя металы і г.д. У Швецыю, Данію, Нарвегію і Фінляндыю праз балтыйскія парты паступаюць беларускія мінеральныя ўгнаенні, прадукты харчавання, торф, чорныя металы, прадукцыя дрэваапрацоўкі.

У сваім выступленні Ігар Шылаў звярнуў увагу на найбольш паспяховы і маштабны сумесны праект - грузавы экспрэс-поезд Мінск - Рыга - Мінск. Ён курсіруе з пачатку 2018 года, а агульны час у дарозе скарочаны з 40 гадзін да 20 гадзін з улікам кантрольных аперацый на беларуска-латвійскай граніцы.

Беларуская і Латвійская чыгункі цяпер працуюць над мемарандумам аб далучэнні да праекта Украінскай чыгункі па запуску грузавога экспрэс-поезда Рыга - Мінск - Кіеў - Адэса. Гэта дасць магчымасць стварыць надзейную чыгуначную артэрыю, якая злучае Балтыйскае і Чорнае мора. Ігар Шылаў заклікаў лагістычныя кампаніі Швецыі далучацца да праекта.

Сярод праектаў, якія Беларуская чыгунка гатова прапанаваць сёння, адзначаны чыгуначныя перавозкі ў зносінах Кітай - Еўропа - Кітай. Па тэрыторыі Беларусі праходзіць больш за 90 працэнтаў усіх чыгуначных сухапутных перавозак з Кітая ў Еўропу і ў зваротным напрамку. Кожныя суткі па маршруце Шаўковага шляху праз Беларусь курсіруе 12-14 кантэйнерных паяздоў. Яны ўжо ідуць з 60 гарадоў Кітая ў напрамку 50 гарадоў 15 еўрапейскіх краін.