Сучасны мультыэнергетычны канцэрн будзе служыць развіццю польскай эканомікі. Пра гэта заявіў віцэ-прэм'ер Яцэк Сасін. Учора ўрад Польшчы прыняў рэзалюцыю, якая акрэслівае кірунак дзейнасці, звязанай з кансалідацыяй канцэрнаў Orlen, Lotos і PGNiG.
Кіраўнік Міністэрства дзяржаўных актываў заявіў, што стварэнне канцэрна дазволіць польскай эканоміцы вярнуцца на шлях хуткага развіцця:
- Гэта робіцца дзеля дабра Польшчы, для нашай будучыні, каб польская эканоміка ў пераходны перыяд пасля пандэміі вярнулася на шлях дынамічнага развіцця. Гэтае спалучэнне, а таксама іншыя рашэнні ў галіне энергетыкі робяцца з такімі мэтамі. Наша эканоміка павінна быць мацнейшая, больш інавацыйная, каб справіцца з задачамі, якія перад намі стаяць.
Мультыэнергетычны канцэрн створаць тры кампаніі: Lotos, PGNiG і Orlen, які стануць лідарам новага прадпрыемства. Зліццё адбудзецца праз паглынанне Орленам астатніх дзвюх кампаній. Здзелка будзе безнаяўнай, а дзяржава будзе ўладальнікам паловы акцый новай кампаніі.
ІАР ПР/нг