Ужо амаль год, як у Беларусі пачаўся беспрэцэдэнтны па маштабе крызіс у галіне правоў чалавека. У адказ на гэта паўстаў моцны рух за свабоду, дэмакратыю і справядлівасць. Адным з найважнейшых патрабаванняў сталі павага і выкананне правоў чалавека.
Аднак што такое «правы чалавека» і як яны працуюць? Што менавіта трэба ведаць і памятаць, каб не паўтарыць жудасных памылак у новай Беларусі? На гэтыя пытанні можна атрымаць адказы на семінары, які зладзіў 29 ліпеня Беларускі дом у Варшаве.
«Незалежна ад таго, які дзяржаўны лад у краіне, кожная ўлада мае тэндэнцыю да абмежавання правоў чалавека, таму жыхары павінны ведаць свае правы і ўмець іх адстойваць», – адзначыў дырэктар Беларускага дому ў Варшаве Алесь Зарэмбюк.
На семінар дакладчыкам быў запрошаны Валдзіс Фугаш – праваабаронца, эксперт і трэнер у галіне нефармальнай адукацыі, удзельнік каманды Human constanta.
Беларускі дом у Варшаве/нг