Міністэрства аховы здароўя апублікавала пастанову, згодна з якой кожны пацыент, старэйшы за 60 гадоў, у выпадку ізаляцыі з-за COVID-19 атрымае магчымасць прайсці абследаванне ў тэрапеўта цягам 48 гадзін. Міністр аховы здароўя Польшчы Адам Нядзельскі лічыць, што рэалізацыя новаўвядзення магчымая, нягледзячы на складанасці ў медыцынскіх установах, у тым ліку кадравыя.
- У мяне ёсць прыклады таго, што хуткая рэакцыя ўрачоў дазволіла пацыентам не ісці ў бальніцу. Арганізацыйна гэта можна зрабіць – лекар не абавязкова павінен ехаць да пацыента, можна такіх пацыентаў прымаць у медыцынскіх установах. Паліклінікі працуюць у асноўным да 18:00 гадзіны, такім чынам можна іх прымаць пасля 18:00-й.
Згодна з пастановай, хворы пажылы пацыент можа быць абследаваны лекарам у паліклініцы альбо, у выпадку праблем з перасоўваннем, падчас хатняга візіту.
Новыя правілы крытыкуе медыцынскае асяроддзе, зазначаючы, што для рэалізацыі новаўвядзення звычайна няма рэсурсаў, і перш за ўсё кадравых.
вс