Спецыяльны аўтобус рэкламуе Еўрапейскія спаборніцтвы марсаходаў, якія пройдуць 13-15 верасня на тэрыторыі Палітэхнічнага Сьвентакшыскага універсітэта ў Кельцах. У мерапрыемстве прымуць удзел 400 маладых канструктараў з усяго свету.
European Rover Challenge (ERC), так гучыць арыгінальная назва гэтага мерапрыемства – гэта прэстыжны конкурс марсіянскіх робатаў, створаных студэнцкімі камандамі. European Rover Challenge – гэта еўрапейская версія вядомага ў свеце конкурсу University Rover Challenge (УРЦ), які праходзіць у ЗША.
Задачай Марсабуса, на якім можна пракаціцца па вуліцах Кельцаў, з’яўляецца папулярызацыя ведаў пра планету Марс. Завадтары акцыі хочуць патлумачыць, чаму місія на гэтую планету патрэбная нам, зямлянам.
У аўтобусе як унутры, так і звонку, колеры, характэрныя для Чырвонай планеты. Унутры размешчана інфармацыя пра Марс, напрыклад, пра тое, што Сонца там заходзіць сінім колерам, альбо, што Марс амаль удвая меншы за Зямлю. Можна таксама даведацца, якія прылады польскіх кампаній ўжо працавалі на Марсе.
Марсабус з’яўляецца часткай рэкламнай кампаніі Еўрапейскага конкурсу марсаходаў, бо арганізатары мерапрыемства разлічваюць на вялікі грамадзкі рэзананс.
»Марс – гэта не навуковая фантастыка. Гэта вельмі сурʼёзны даследчы напрамак, а таксама сурʼёзны кірунак развіцця польскага касмічнага бізнесу«, – падкрэсліў старшыня Еўрапейскага касмічнага фонду (галоўнага арганізатара Еўрапейскага спаборніцтва марсаходаў) Лукаш Вільчыньскі.
Неўзабаве на тэрыторыю ўніверсітэцкага гарадка ў Кельцах прывязуць зямлю, з якой будзе створана адмысловае поле для спартыўнага спаборніцтва марсаходаў, і гэтае поле будзе нагадваць паверхню Марса.
Еўрапейскі конкурс марсаходаў упершыню быў арганізаваны ў 2014 годзе.
яс/Катажына Баньцэр