X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

На радыйнай кухні: гатуем селядзец па-скандынаўску (ФОТА+РЭЦЭПТ)

29.04.2020 09:02
Сёння, сябры, у кулінарнай рубрыцы прыгатуем сялёдку па-шведску і па-дацку.
 -
Селядзец па-дацку.

Сёння ў нашым кулінарным падарожжы, паважаныя радыёслухачы, накіруемся на Балтыку. Як у Польшчы, так і ў Беларусі найбольш папулярным спосабам падачы сялёдкі з'яўляецца селядзец у алеі з цыбуляй. Зразумела, гэта вельмі смачная страва! Але ёсць тысячы іншых спосабаў прыгатаваць гэтую папулярную рыбіну! І сёння пра два з іх мы раскажам у кулінарнай рубрыцы.

Сёння, сябры, у кулінарнай рубрыцы прыгатуем сялёдку па-шведску і па-дацку. А ідэя зрабіць менавіта сялёдку па-скандынаўску прыйшла да мяне выпадкова разам з успамінамі. У 2002 годзе я быў на саміце Еўрасаюза, які праходзіў у Капенгагене, на якім Польшчу прымалі ў еўрасупольнасць. Акрамя працы на сустрэчы ў вярхах у якасці журналіста, польскія дыпламаты арганізавалі для прэсы сустрэчу з мясцовымі палякамі. І памятаю польку, якая дзясяткі гадоў жыла ў Даніі, і якая расказвала, што сумуе па польскай сялёдцы ў алеі і з цыбуляй! Бо, як яна гаварыла, такой у Даніі звычайна няма. Памятаю, запытаў у яе, а якая ёсць у Даніі? З разынкамі, адказала жанчына.


Сялёдка па-дацку Сялёдка па-дацку

І вось, амаль праз 18 гадоў я прыпомніў гэтую гісторыю і вырашыў знайсці рэцэпт. І знайшоў! Больш за тое – зрабіў страву. І аказалася, што гэта – проста смаката! З радасцю падзялюся з вамі! І так, што нам трэба, каб зрабіць сялёдку па-дацку:

500 г філе сялёдкі
1 вялікая чырвоная цыбуля
2 вялікія звычайныя (белыя) цыбулі
паўшклянкі курагі
паўшклянкі разынак
1 шклянка перацёртых памідораў ва ўласным соку
сок з паўлімона
мелены перац
3 лыжкі алею

Калі філе вельмі салёныя, то яго трэбы вымачыць у халоднай вадзе цягам некалькіх гадзін. Пасля гэтага асушваем сялёдку, напрыклад, папяровымі ручнікамі, і рэжам на кавалкі шырынёй 2-3 см. Разынкі і курагу прамываем і заліваем кіпенем. Пакідаем на 20 хвілін, каб сталі мяккімі.
Цыбулю рэжам колцамі і смажым на алеі. Не дапускаем, каб цыбуля памяняла колер на румяны. Пасля гэтага дадаем памідоры, разынкі і курагу, лімонны сок і перац. Гатуем прыкладна 2 хвіліны. Выключаем агонь і даем нашаму соўсу астыць. Пасля гэтага ў кантэйнер альбо слоік кладзём папераменна слой сялёдкі і слой соўса. Ставім у халадзільнік. Нашую страву можа спажываць літаральна праз некалькі гадзін! Смачна есці!


Сялёдка па-шведску Сялёдка па-шведску

А цяпер – сялёдка па-шведску. Дарэчы, такую сялёдку можна купіць у прадуктовым аддзеле вядомай шведскай гандлёвай сетцы па продажы мэблі і тавараў для дома. Страва мае салодка-кіслы смак, вельмі пахне і прыгожа выглядае!
І так, нам трэба падрыхтаваць:

4 вялікія філе селядца
200 мл вады
150 мл 5-працэнтнага воцату (калі воцат 10-працэнтны, то яго трэба развесці з вадой у прапорцыі 50/50)
70 г цукру
1 вялікая чырвоная цыбуля
1 сярэдняя маркоўка
1 лыжачка ад гарбаты каляровага перцу
10 гарошын духмянага перцу
10 гарошын ядлоўцу
4 лаўровыя лісткі

Калі селядзец надта салёны, яго трэба вымачыць у халоднай вадзе некалькі гадзін. Пасля гэтага яго асушваем і рэжам на кавалкі даўжынёй прыкладна 3 см. Цыбулю рэжам на паўкольцы, маркоўку – тонкімі кружкамі. Перац, ядловец і духмяны перац расціраем у ступе на буйны памол.
Ваду змешваем з воцатам, засыпаем прыправы і лаўровае лісце. Даводзім да кіпення пад крышкай. Пасля гэтага дадаем цукар і даем яму распусціцца. Дадаем цыбулю і маркоўку і літаральна адразу ж выключаем.


. .

Пасля таго, як наш расол астыне, у слоік кладзём папераменна сялёдку і цыбулю з маркоўкай. Пасля заліваем змесціва расолам. Сялёдка па-шведску гатовая для спажывання праз некалькі гадзін!

Смачна есці!

Валеры Саўко

фота аўтара


Больш на гэтую тэму: Лыжка і відэлец