Масква і Пекін будуць каардынаваць дзеянні на міжнароднай арэне, заявіў Уладзімір Пуцін, які знаходзіцца з візітам у Кітаі. Дыктатара, якога абвясцілі ў вышук за ваенныя злачынствы, прыняў кіраўнік Кітая Сі Цзіньпін.
Пасля першых сустрэч Уладзімір Пуцін шмат казаў аб расійска-кітайскім супрацоўніцтве, узорных адносінах і каардынацыі міжнароднай дзейнасці. Яго прэс-сакратар Дзмітрый Пяскоў адзначыў, што Кітай робіць крокі па ўрэгуляванні канфлікту ва Украіне, але пакуль не сказаў, ці размаўлялі пра гэта Пуцін і Сі. Хутчэй за ўсё, гэтае пытанне будзе абмяркоўвацца падчас асабістай сустрэчы кітайскага кіраўніка ды Пуціна.
Гэта першая замежная паездка Уладзіміра Пуціна пасля вяртання на пасаду ў Крамлі.
ПР/юл