Як паведамляе прэс-служба Святланы Ціханоўскай, яна выказала падзяку Польшчы за паслядоўную палітыку адносна Беларусі і за тое, што Польшча працягвае прымаць беларусаў.
Ціханоўская заклікала міністра еўрапейскіх справаў Польшчы Адама Шляпку ўзняць пытанне спрашчэння візавага рэжыму і пашырэння практыкі выдачы візаў для беларусаў. Яна звярнула ўвагу на неабходнасць захаваць пасажырскія зносіны паміж Беларуссю і Еўразвязам, важнасць падтрымкі незалежных медыя і культурніцкіх ініцыятываў.
Бакі абмеркавалі таксама пытанне санкцыяў: Ціханоўская звярнула ўвагу не недапушчальнасць змякчэння санкцыяў на калійныя ўгнаенні, пакуль не вызваленыя палітвязні і рэжым працягвае рэпрэсіі.
Абмяркоўвалі таксама магчымыя падзеі падчас польскага старшынства ў Еўразвязе.
svaboda.org/вх