Сёння ў Польшчы пачаліся экзамены на атэстат сталасці. Першы экзамен - абавязковы пісьмовы іспыт па польскай мове: да яго прыступілі больш за 263 тыс. выпускнікоў польскіх сярэдніх агульнаадукацыйных школ, сярэдніх тэхнічных школ і ліцэяў.
Прэзідэнт Польшчы Анджэй Дуда з жонкай Агатай Корнхаўзэр-Дудай пажадалі выпускнікам поспеху на экзаменах.
«Мы жадаем усім выпускнікам сярэдніх школ самых лепшых момантаў і выдатных вынікаў на экзаменах на атэстат сталасці. Бацькам выпускнікоў мы жадаем душэўнай стойкасці і спакою. Удачы! Мы з Агатай трымаем за вас кулачкі! У вас усё атрымаецца!», - напісаў прэзідэнт.
Акрамя польскай мовы (вусны і пісьмовы экзамены), выпускнікі здаюць абавязковы пісьмовы экзамен па матэматыцы, а таксама вусны і пісьмовы па замежнай мове.
Чацвёрты і пяты прадметы выпускнік выбірае сам з больш чым 25 пазіцый. Сярод іх – хімія, біялогія, гісторыя, геаграфія, дадатковыя замежныя мовы, мовы нацыянальных меншасцей, а таксама філасофія, гісторыя мастацтва, гісторыя музыкі, грамадазнаўства і г.д.
Вынікі экзаменаў на атэстат сталасці стануць вядомыя 9 ліпеня.
вс