Opis odcinka

Дроны, якія залятаюць у паветраную прастору краіны, і мігранты, што прабіраюцца праз тунэлі, выкапаныя ад беларускай мяжы, — гібрыдныя пагрозы сталі для Латвіі штодзённай рэальнасцю. У краіне жыве каля 1,8 мільёна чалавек, значную долю насельніцтва складаюць рускамоўныя. Усходняя мяжа Латвіі з Расіяй і Беларуссю цягнецца на 457 кіламетраў і адначасова з’яўляецца знешняй мяжой Еўрапейскага Cаюза і НАТА. Гэты кірунак у Рызе лічаць уразлівым як да ваенных, так і да гібрыдных пагроз. Аб утоеных пагрозах у Латгаліі і аб польскіх «Леапардах» ля мяжы з РФ гаворым з канадскім палкоўнікам Дэвідам Брасарам.