Opis odcinka

Калі паглядзець на тры асноўныя культуры — клубніцы, маліны і парэчкі, — то іх сумарны ўраджай знізіўся ў Польшчы прыкладна на 19%. У выніку свежыя ягады сталі даражэйшымі. Сезон нізкіх цэн стаў карацейшы. У польскіх крамах стала больш імпартнай прадукцыі. Гэта ўплыў кліматычных змен: зімы сталі цяплейшымі, вясна наступае раней, а летам усё часцей назіраюцца працяглыя перыяды засухі. За апошнія шэсць гадоў клімат стаў адным з галоўных фактараў рызыкі для польскага ягадніцтва. Чаму ў апошнія гады клубніцы, маліны і парэчкі сталі даражэйшымі? Чаму фермеры ўсё часцей гавораць не толькі пра цэны, але і пра кліматычныя рызыкі? І як звычайныя людзі могуць дапамагчы навукоўцам рэагаваць на гэтыя змены? Разабрацца ў гэтым нам дапаможа наш эксперт, старшыня праўлення фонду “Неруш Натура” Уладзімір Зуеў